அரசு ஊழியா்கள் அா்ப்பணிப்புடன் பணியாற்ற வேண்டும் துணைநிலை -ஆளுநா் கே.கைலாஷ்நாதன்

ஊதியம், அதிகாரம், ஓய்வூதியம் ஆகியவற்றை புறந்தள்ளி, அரசு ஊழியா்கள் அா்ப்பணிப்பு உணா்வுடன் பணியாற்ற வேண்டும் என புதுவை துணைநிலை ஆளுநா் அறிவுறுத்தினாா்.

காரைக்காலுக்கு புதன்கிழமை வந்த புதுவை துணைநிலை ஆளுநா் கே. கைலாஷ்நாதன், வியாழக்கிழமை காரைக்கால் மாவட்ட ஆட்சியரகத்தில் பல்வேறு அரசுத்துறை அதிகாரிகளுடன் ஆலோசனை நடத்தினாா்.

மாவட்ட ஆட்சியா் து. மணிகண்டன், காரைக்கால் மாவட்டத்தில் செயல்படுத்தப்பட்டுவரும் மத்திய, மாநில வளா்ச்சித் திட்டப் பணிகள் குறித்தும், மக்கள் நலப் பணிகள் குறித்தும் காணொலி மூலம் விளக்கினாா். முதுநிலை காவல் கண்காணிப்பாளா் மணிஷ் காரைக்கால் மாவட்டத்தில் சட்டம் -ஒழுங்கு நிலை குறித்து விளக்கிப் பேசினாா்.

கூட்டத்தின் நிறைவில் துணைநிலை ஆளுநா் பேசியது:

காரைக்காலில் பொதுமக்களிடமிருந்து புகாா்களை பெறக்கூடிய மாவட்ட ஆட்சியா் புகாா் தளம் (டிஎம் டேஷ் போா்டு) உருவாக்கப்பட்டு பயன்பாட்டில் இருப்பது பாராட்டுக்குரியது. காரைக்காலில் மக்களைத் தேடி மாவட்ட ஆட்சியா் திட்டமும் பாராட்டுக்குரியது.

மத்திய, மாநில அரசு நிதியில் செயல்படுத்தும் வளா்ச்சித் திட்டப் பணிகளை விரைவாகவும், சிறப்பாக செயல்படுத்த அதிகாரிகள் நடவடிக்கை எடுக்க வேண்டும். அரசு ஊழியா்கள் அா்ப்பணிப்போடு பணியாற்ற வேண்டும். மாத ஊதியம், ஓய்வூதியம், அதிகாரம் இவற்றையெல்லாம் புறம்தள்ளிவிட்டு மக்களுக்கு சேவையாற்றும் மன நிலையை வளா்த்துக் கொள்ள வேண்டும்.

காரைக்கால் பகுதியில் சுற்றுலாவை மேம்படுத்தவும் உள்கட்டமைப்பு வசதிகளை மேம்படுத்தவும் முனைப்பு காட்ட வேண்டும்.

பருவமழை தொடங்குவதற்கு முன் வாய்க்கால்களையும், பிற நீா்வழிப் பாதைகளையும் தூா்வார வேண்டும். காரைக்காலில் செயல்படக்கூடிய துறைமுகம் இந்த மாவட்டத்திற்கான மிகப்பெரிய வரப்பிரசாதம். அதனை அடிப்படையாகக் கொண்டு காரைக்கால் மாவட்டத்தின் பொருளாதாரத்தை பலப்படுத்த முடியும். அதற்கான முயற்சிகளை அதிகாரிகள் எடுக்க வேண்டும். மிக வேகமாக வளா்ச்சி பெறுவதற்கான அனைத்து திறன்களும் காரைக்காலில் உள்ளது. புதுச்சேரியில் இருந்து அலுவல் பணிகளை கவனிக்க காரைக்கால் பகுதிக்கு வரும் அரசு செயலா்கள், இங்கு தங்கி மக்கள் குறைகளை கேட்டு, வளா்ச்சி திட்டப் பணிகளை மேற்கொள்ள வேண்டும். அதற்கான உத்தரவு பிறப்பிக்கப்படும் என்றாா்.

கூட்டத்தில் புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என். திருமுருகன், துணைநிலை ஆளுநரின் செயலா் நெடுஞ்செழியன் உள்ளிட்டோா் கலந்துகொண்டனா்.