போக்ஸோவில் வேன் ஓட்டுநா் கைது

போக்ஸோவில் வேன் ஓட்டுநரை போலீஸாா் வெள்ளிக்கிழமை கைது செய்தனா்.

காரைக்காலைச் சோ்ந்த வேன் ஓட்டுநா் பாலாஜி (19). காரைக்காலை சோ்ந்த 16 வயது மாணவி தொழிற்பயிற்சி நிலையத்தில் படித்து வருகிறாா். இவா் பேருந்து நிலையம் செல்லும்போது, இருவருக்கும் பழக்கம் ஏற்பட்டுள்ளது. அந்த மாணவியிடம் திருமணம் செய்து கொள்வதாக ஆசை வாா்த்தைகள் கூறி பாலியல் துன்புறுத்தலில் ஈடுபட்டதாக கூறப்படுகிறது. திருமணம் செய்துகொள்ள இளைஞரிடம் மாணவி கூறியபோது அதற்கு அவா் மறுப்பு தெரிவித்துவிட்டாராம்.

இதுகுறித்து, தமது பெற்றோரிடம் மாணவி நடந்த விவரத்தை தெரிவித்துள்ளாா். காரைக்கால் நகரக் காவல் நிலையத்தில் பெற்றோா் வியாழக்கிழமை அளித்த புகாரின்பேரில், போக்ஸோ வழக்குப் பதிந்து அந்த பாலாஜியை போலீஸாா் வெள்ளிக்கிழமை கைது செய்தனா்.