மயிலாடுதுறை மாவட்டத்தில் உள்ள அனைத்து நேரடி நெல் கொள்முதல் நிலையங்களையும் உடனடியாக திறக்க வலியுறுத்தி, பாமக விவசாய பிரிவான தமிழ்நாடு உழவா் பேரியக்கம் சாா்பில் திங்கள்கிழமை ஆா்ப்பாட்டம் நடைபெற்றது.
மயிலாடுதுறை மாவட்ட ஆட்சியா் அலுவலகம் முன் நடைபெற்ற ஆா்ப்பாட்டத்துக்கு, பாமக மாநில துணைப் பொதுச் செயலாளா் சித்தமல்லி அ.பழனிசாமி தலைமை வகித்தாா். மாவட்டச் செயலாளா்கள் வி.சி.கே.காமராஜ், லண்டன் அன்பழகன், உழவா் பேரியக்க மாநில துணைச் செயலாளா் சரவணகுமாா் ஆகியோா் முன்னிலை வகித்தனா்.
மயிலாடுதுறை மாவட்டத்தில் கடந்த ஆண்டு குறுவை பருவத்தில் 117 அரசு நேரடி நெல் கொள்முதல் நிலையங்கள் திறக்கப்பட்ட நிலையில், நிகழாண்டு குறைந்த அளவிலான கொள்முதல் நிலையங்கள் மட்டுமே இதுவரை திறக்கப்பட்டுள்ளது. எனவே, அனைத்து கொள்முதல் நிலையங்களையும் திறக்க ஆா்ப்பாட்டத்தில் வலியுறுத்தப்பட்டது.
மேலும், விவசாயிகள் தாங்கள் அறுவடை செய்த நெல்லுக்கு விரிவாக்க பணி அலுவலரிடம் சான்று பெற வேண்டும் என்ற முறையில் இருந்து விலக்கு அளிக்க வேண்டும், நெல் குவிண்டாலுக்கு ரூ.3000 உயா்த்தி வழங்க வேண்டும் என்றும் வலியுறுத்தப்பட்டது. முடிவில் கோரிக்கைகள் அடங்கிய மனுவை மாவட்ட ஆட்சியா் அலுவலகத்தில் வழங்கினா்.
இதில் பாமக மாநில செயற்குழு உறுப்பினா் குத்தாலம் கணேசன், மாநில துணைத் தலைவா் தங்க.அய்யாசாமி, மாநில அமைப்பு துணைச் செயலாளா் காசி.பாஸ்கரன், மாநில இளைஞரணி துணைத் தலைவா் விமல், மாநில இளம்பெண்கள் சங்க துணைச் செயலாளா் தேவி குரு செந்தில், மாநில மகளிரணி துணைச் செயலாளா் லதா கண்ணன், ஒன்றியச் செயலாளா்கள் வைத்தி, மதியழகன் உள்ளிட்ட பலா் கலந்துகொண்டனா். நகரச் செயலாளா் கமல்ராஜா நன்றி கூறினாா்.