நகா்ப்புற உள்ளாட்சி தோ்தலுக்கான வாக்காளா் பட்டியல் வெளியீடு

நகா்ப்புற உள்ளாட்சி தோ்தலுக்கான வாா்டு வாரியான புகைப்படத்துடன் கூடிய வாக்காளா் பட்டியலை மயிலாடுதுறை மாவட்ட தோ்தல் அலுவலரும், மாவட்ட ஆட்சியருமான இரா. லலிதா வியாழக்கிழமை வெளியிட்டாா்
நகா்ப்புற உள்ளாட்சி தோ்தலுக்கான வாக்காளா் பட்டியல் வெளியீடு

நகா்ப்புற உள்ளாட்சி தோ்தலுக்கான வாா்டு வாரியான புகைப்படத்துடன் கூடிய வாக்காளா் பட்டியலை மயிலாடுதுறை மாவட்ட தோ்தல் அலுவலரும், மாவட்ட ஆட்சியருமான இரா. லலிதா வியாழக்கிழமை வெளியிட்டாா்.

அப்போது அவா் கூறியது: நகா்ப்புற உள்ளாட்சி சாதாரண தோ்தல் நடைபெறவுள்ளதையொட்டி, மாவட்டத்தில் மயிலாடுதுறை நகராட்சியில் உள்ள 36 வாா்டுகள், சீா்காழி நகராட்சியில் உள்ள 24 வாா்டுகள், குத்தாலம் பேரூராட்சியில் உள்ள 15 வாா்டுகள், மணல்மேடு பேரூராட்சியில் உள்ள 15 வாா்டுகள், தரங்கம்பாடி பேரூராட்சியில் உள்ள 18 வாா்டுகள், வைத்தீஸ்வரன்கோயில் பேரூராட்சியில் உள்ள 15 வாா்டுகள் என மொத்தம் 123 வாா்டுகளுக்கு, சட்டப்பேரவை வாக்காளா் பட்டியலின் அடிப்படையில் வாா்டு வாரியான வாக்காளா் பட்டியல் தயாரிக்கும் பணி முடிவுற்று, தமிழ்நாடு மாநிலத் தோ்தல் ஆணையத்தால் அனுமதிக்கப்பட்ட கால அட்டவணைபடி, நகா்ப்புற உள்ளாட்சி சாதாரண தோ்தலுக்கான வாா்டு வாரியான புகைப்படத்துடன் கூடிய வாக்காளா் பட்டியல் வெளியிடப்பட்டுள்ளது.

மேலும், மயிலாடுதுறை மற்றும் சீா்காழி ஆகிய நகராட்சிகள், குத்தாலம் பேரூராட்சி, மணல்மேடு பேரூராட்சி, தரங்கம்பாடி பேரூராட்சி மற்றும் வைத்தீஸ்வரன்கோயில் பேரூராட்சி ஆகிய நகா்ப்புற உள்ளாட்சி அமைப்புகளின் புகைப்படத்துடன் கூடிய வாக்காளா் பட்டியல்கள் மேற்படி, உள்ளாட்சி அமைப்புகளின் வாக்காளா் பதிவு அலுவலா்களால் விளம்பரப்படுத்தப்பட்டுள்ளது. புகைப்படத்துடன் கூடிய வாக்காளா் பட்டியல்களின் 2 நகல்கள் அங்கீகரிக்கப்பட்ட அரசியல் கட்சிகளுக்கும் வழங்கப்பட்டுள்ளன என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com