சொந்த மாவட்டத்தில் வேலை வேண்டுமென்ற மனநிலையை மாற்றிக்கொள்ளவேண்டும்

வேலை தேடுபவா்கள் சொந்த மாவட்டத்தில் மட்டுமே வேலை வேண்டும் என்ற மனநிலையை மாற்றிக்கொள்ளவேண்டும் என்றாா் மாவட்ட ஆட்சியா் இரா. லலிதா.

மயிலாடுதுறை மாவட்ட நிா்வாகம், மகளிா் திட்டம், தமிழ்நாடு மாநில ஊரக (ம) நகா்புற வாழ்வாதார இயக்கம், மாவட்ட வேலைவாய்ப்பு மற்றும் தொழில்நெறி வழிகாட்டு மையம் சாா்பில் மயிலாடுதுறை மன்னம்பந்தல் ஏவிசி பொறியியல் கல்லூரியில் புதன்கிழமை நடைபெற்ற மாபெரும் தனியாா்துறை வேலைவாய்ப்பு முகாமில் 611பேருக்கு பணிநியமன ஆணை வழங்கி மேலும் அவா் பேசியது:

தமிழகத்தின் 76 முன்னணி தனியாா் துறை நிறுவனங்கள் பங்கேற்ற இம்முகாமில், 8-முதல் பட்ட மேற்படிப்பு வரை படித்த, 18 முதல் 35 வயதுடைய 1,865 ஆண்கள், 2,430 பெண்கள் என மொத்தம் 4,295 போ் பங்கேற்க பதிவு செய்து, முகாமில் தங்களின் கல்வி தகுதிக்கேற்ற நிறுவனங்களின் நோ்காணலில் பங்கேற்றனா். இதில், 611 வேலைநாடுநா்கள் பல்வேறு நிறுவனங்களால் தோ்ந்தெடுக்கப்பட்டு பணி நியமன ஆணைகள் வழங்கப்பட்டன.

மீதமுள்ளவா்கள் தனியாா் நிறுவனங்களுக்கு நேரடியாக அழைக்கப்பட்டு கல்வித் தகுதி, பணி அனுபவம் ஆகியவைகளின் அடிப்படையில் நோ்கணல் மூலமும், வேலைவாய்ப்புத் துறையின் தொழில்நெறி வழிகாட்டு மையம் மூலமும் தேவையான பயிற்சி வழங்க நடவடிக்கை எடுக்கப்படும். வேலைநாடுநா்கள் சொந்த மாவட்டத்தில் வேலை வேண்டும் என்ற மனநிலையை மாற்றிக்கொண்டு, மாநிலம் மற்றும் நாட்டின் எந்த பகுதியிலும் சென்று வேலை செய்து திறமைகளை வளா்த்துக்கொள்ள வேண்டும் என்றாா்.

முகாமில், மயிலாடுதுறை எம்பி. செ. ராமலிங்கம், எம்எல்ஏக்கள் எஸ்.ராஜகுமாா் (மயிலாடுதுறை), நிவேதா எம். முருகன் (பூம்புகாா்), எம். பன்னீா்செல்வம் (சீா்காழி), தமிழ்நாடு மாநில ஊரக (ம) நகா்புற வாழ்வாதார இயக்க திட்ட இயக்குநா் நா. கவிதப்பிரியா, திருச்சி மண்டல இணை இயக்குநா் (வேலைவாய்ப்பு) எம். சந்திரன், நாகப்பட்டினம் மாவட்ட வேலை வாய்ப்பு அலுவலா் எம். ஹேமலதா உள்ளிட்டோா் பங்கேற்றனா்.