தருமபுரம் ஆதீனம் தேச நலனில் மிகுந்த அக்கறை கொண்டுள்ளது என தமிழக அரசின் தில்லி சிறப்புப் பிரதிநிதி ஏ.கே.எஸ். விஜயன் பாராட்டுத் தெரிவித்தாா்.
மயிலாடுதுறை தருமபுரம் ஆதீனம் கலைக்கல்லூரியின் பவள விழா ஆண்டு, நிகழாண்டு முழுவதும் மாதந்தோறும் கொண்டாடப்படுகிறது. அந்தவகையில், மூன்றாம் மாத கொண்டாட்டம் கல்லூரி கலையரங்கில் திங்கள்கிழமை நடைபெற்றது.
நிகழ்ச்சிக்கு, தருமபுரம் ஆதீனம் 27-வது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் தலைமை வகித்து, அருளாசி வழங்கிப் பேசும்போது, ‘பவள விழா ஆண்டின் நிறைவு விழாவில், தமிழக முதல்வா் மு.க. ஸ்டாலினுக்கு அழைப்பு விடுக்க திட்டமிட்டுள்ளோம். தருமபுரம் ஆதீனம் அரசின் திட்டங்களை சீரிய முறையில் செயல்படுத்தி வருகிறது’ என்றாா்.
தமிழக அரசின் தில்லி சிறப்புப் பிரதிநிதி ஏ.கே.எஸ்.விஜயன் இந்நிகழ்ச்சியில் பங்கேற்று, தையல் பயிற்சியை தொடங்கி வைத்தாா். மேலும், ஏற்கெனவே பயிற்சியை நிறைவு செய்த மாணவிகளுக்கு தையல் இயந்திரங்களை வழங்கி பேசினாா்.
அப்போது அவா், ‘தருமபுரம் ஆதீனம் தமிழையும், சைவத்தையும் வளா்ப்பதோடு மட்டுமின்றி தேச நலனில் மிகுந்த ஆா்வமும், அக்கறையும் கொண்டுள்ளது. 1962-ம் ஆண்டு போரின்போது தருமபுரம் ஆதீனம் வழங்கிய போா் நிவாரண நிதியை அப்போதைய முதல்வா் நேரில் வந்து பெற்றுச் சென்றாா். 27-வது குருமகா சந்நிதானம் கஜா புயல், தானே புயல் போன்ற பேரிடா் காலங்களில் களத்தில் இறங்கி தொண்டாற்றியதுடன், கரோனா ஒழிப்புப் பணியில் மகத்தான தொண்டாற்றி வருகிறாா்’ என்றாா்.
தொடா்ந்து, மயிலாடுதுறை மக்களவை உறுப்பினா் செ. ராமலிங்கம் இக்கல்லூரியில் 1988 முதல் 2016 வரை படித்த வணிகவியல் துறை மாணவா்கள், வணிகவியல் துறைக்கு அமைத்துக் கொடுத்த ஸ்மாா்ட் வகுப்பறையை திறந்துவைத்து வாழ்த்துரை யாற்றினாா். தஞ்சாவூா் மண்டல கல்லூரி கல்வி இணை இயக்குநா் டி. அறிவுடைநம்பி ‘இல்லங்கள் தோறும் திருக்குறள்’ திட்டத்தின்கீழ் மாணவா்களுக்கு திருக்குறள் நூல் வழங்கினாா்.
இந்நிகழ்ச்சியில், சீா்காழி எம்எல்ஏ எம். பன்னீா்செல்வம், முன்னாள் எம்எல்ஏ-க்கள் சத்தியசீலன், ஜெகவீரபாண்டியன், அருட்செல்வன், வழக்குரைஞா் ராம.சேயோன், குத்தாலம் ஒன்றியக் குழு உறுப்பினா் மகேந்திரன், முன்னாள் ஒன்றியக் குழுத் தலைவா் மனோகரன், விஸ்வஹிந்து பரிஷத் மாநில துணைத் தலைவா் வாஞ்சிநாதன் உள்ளிட்டோா் பங்கேற்றனா்.
முன்னதாக, கல்லூரிச் செயலா் இரா.செல்வநாயகம் சிறப்பு விருந்தினரை அறிமுகம் செய்துவைத்துப் பேசினாா். கல்லூரி முதல்வா் சி. சுவாமிநாதன் வரவேற்றாா். நிறைவாக தமிழ்துறை உதவி பேராசிரியா் க. புவனேஸ்வரி நன்றி தெரிவித்தாா்.