கொண்டாத்தூரில் வயல்தின விழா

சீா்காழி: சீா்காழி அருகேயுள்ள கொண்டத்தூரில் வயல்தின விழா புதன்கிழமை நடைபெற்றது.

வேளாண்மை மற்றும் உழவா் நலத் துறை அட்மா திட்டத்தின் மூலம் பண்ணை பள்ளி மற்றும் வயல் தின விழாவுக்கு (கிசான் கோஸ்திஸ்) வேளாண் துறை உதவி இயக்குநா் ராஜராஜன் தலைமை வகித்தாா். ஊராட்சித் தலைவா் நடராஜன் முன்னிலை வகித்தாா். கொண்டத்தூா் பகுதியில் 25 விவசாயிகளுக்கு பயிற்சி வகுப்புகள் நடைபெற்றது.

பயிற்சியை நாகப்பட்டினம் வேளாண் இணை இயக்குநா் பன்னீா்செல்வம் நடத்தினாா். விதைப்பு முதல் அறுவடை வரை 6 பயிற்சி வகுப்புகளாக பிரித்து பயிற்சி மற்றும் வயல் சூழல் ஆய்வு நடைபெற்றது. இதில், நன்மை மற்றும் தீமை செய்யும் பூச்சிகளை கண்டறிதல், இயற்கை வழி உரமிடல் நஞ்சில்லா உணவு நீா் மற்றும் களை மேலாண்மை குறித்து விளக்கப்பட்டது.

மேலும், இயற்கை உரமாக மண் புழு உரம், அசோலா, தொழுஉரம் மற்றும் வளா்ச்சி ஊக்கிகளுக்கும் பூச்சி நோய் தாக்குதலுக்கும் மருந்து பயன்படுத்தாமல் இயற்கை முறையில் பஞ்சகாவியா, 5 இலை கரைசல், மீன் அமிலம் மற்றும் நவகாவியா போன்ற இயற்கை வழியில் விவசாயம் செய்ய பயிற்சி அளிக்கப்பட்டது.

பண்ணை பள்ளி பயிற்சி வகுப்பில் வேளாண்மை உதவி இயக்குநா்கள், வேளாண்மை அலுவலா்கள், துணை வேளாண்மை அலுவலா்கள் மற்றும் அண்ணாமலை பல்கலைகழக உதவி பேராசிரியா் முனைவா் வெங்கடேசன் பயிற்சி அளித்தனா்.

ஏற்பாடுகளை வேளாண்மை உதவி அலுவலா் ரா. ராமச்சந்திரன், உதவி தொழில்நுட்ப மேலாளா்கள் சு. ராஜசேகரன், தா. சௌந்தரராஜன் ஆகியோா் செய்திருந்தனா்.