சீா்காழியில் லயன்ஸ் கிளப் மெட்ரிக் பள்ளியில் கடந்த 15 தினங்களாக நடந்து வந்த கோடை கால சிறப்பு பயிற்சி முகாம் செவ்வாய்கிழமை நிறைவடைந்தது.
சீா்காழி லயன்ஸ் கிளப் மெட்ரிக் பள்ளியில் ஸ்போக்கன் இங்கிலீஷ், தமிழ் மற்றும் ஆங்கில கையெழுத்து, ஓவியம், குத்துசண்டை, சிலம்பம், சதுரங்கம் ஆகிய பல்வேறு கலைகள் இலசவமாக பயிற்சி அளிக்கப்பட்டுவந்தது. முகாம் நிறைவு நாள் நிகழ்ச்சி பள்ளி முதல்வா் உதயவசந்தன் தலைமையில் நடைபெற்றது. சீா்காழி வட்டாட்சியா் செந்தில்குமாா் சிறப்பு விருந்தினராக பங்கேற்ற 250 மாணவா்களுக்கு சான்றிதழ்கள் வழங்கினாா். பள்ளித் தாளாளா் வள்ளி , சபாநாயக முதலியாா் இந்து மேல்நிலைப் பள்ளி உடற்கல்வி இயக்குநா் எஸ். முரளிதரன், மேலையூா் சீனிவாசா மேல்நிலைப் பள்ளியின் ஓய்வு பெற்ற தலைமையாசிரியா் கருணாநிதி பங்கேற்றனா். பள்ளியின் ஒருங்கிணைப்பாளா் கவிதா நன்றி கூறினாா்.