சீா்காழி, பொறையாா் பகுதிகளில் நாளை முதல் சுழற்சி முறையில் மின்தடை

சீா்காழி, பொறையாா் பகுதிகளில் சனிக்கிழமை (ஜூன் 18) முதல் சுழற்சி முறையில் மின்தடை செய்யப்படுகிறது என மின்வாரிய செயற்பொறியாளா் விஸ்வநாதன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு: சீா்காழி மின் கோட்டத்துக்குள்பட்ட வைத்தீஸ்வரன்கோவில், திருவெண்காடு, பொறையாா், மணல்மேடு, ஆச்சாள்புரம், அரசூா், மேமாத்தூா், எடமணல், திருமங்கலம், கிடாரம்கொண்டான் ஆகிய துணை மின்நிலையங்களில் கடந்த 6 மாதங்களாக பல்வேறு காரணங்களால் பராமரிப்பு பணிகள் செய்யப்படவில்லை.

இந்நிலையில், ஜூன் 18 முதல் 30-ஆம் தேதி மேற்கண்ட துணை மின் நிலையங்களில் இருந்து மின்விநியோகம் பெறும் பகுதிகளுக்கு சுழற்சி முறையில் மின்தடை செய்யப்பட்டு பராமரிப்பு பணிகள் நடைபெறவுள்ளது என தெரிவித்துள்ளாா்.