தரங்கம்பாடி வட்டம் கருவாழக்கரை ஸ்ரீகாமாட்சி அம்மன் கோயில் குடமுழுக்கு விழா ஜூன் 23-ஆம் தேதி நடைபெறவுள்ளது.
இதையொட்டி, வியாழக்கிழமை (ஜூன் 16) அனுக்ஞை, விக்னேஸ்வர பூஜை, வெள்ளிக்கிழமை (ஜூன் 17) கோ பூஜை, கஜ பூஜை மற்றும் பூா்வாங்க பூஜைகளுடன் விழா தொடங்குகிறது. ஜூன் 19-ஆம் தேதி மாலை முதல்கால யாகசாலை பூஜை தொடங்குகிறது.
ஜூன் 22-ஆம் தேதி 6-ஆம் கால யாகசாலை பூஜையின்போது காலை 9.30 மணிக்குமேல் 108 கோ பூஜையும், மாலை 7-ஆம் கால யாகபூஜையில் கன்னிகா பூஜை, பிரம்மச்சாரிய பூஜை, வடுக பூஜையும் நடைபெறவுள்ளது. ஜூன் 23-ஆம் தேதி அதிகாலை 5.30 மணிக்கு 8-ஆம் கால யாகசாலை பூஜை தொடங்கி 9.30 மணிக்கு பூா்ணாஹூதியாகி யாகசாலையில் இருந்து கடங்கள் புறப்பட்டு கோயிலை வலம் வந்து 10.30 மணிக்கு ராஜகோபுர குடமுழுக்கும், முற்பகல் 11 மணிக்கு காமாட்சி அம்மன் விமான ஸ்வா்ணபந்தன குடமுழுக்கும் நடைபெறவுள்ளது.