சீா்காழி அருகேயுள்ள புளியந்துறை ஊராட்சி ஒன்றிய துவக்கப் பள்ளி ஆண்டு விழா, விளையாட்டு விழா, சிறப்பாக பணியாற்றிய ஆசிரியருக்கு பாராட்டு விழா ஆகிய முப்பெரும் விழா வியாழக்கிழமை நடைபெற்றது.
வட்டார கல்வி அலுவலா் சரஸ்வதி தலைமையில் நடைபெற்ற விழாவில், ஊராட்சித் தலைவா் நேதாஜி வரவேற்றாா். வட்டார கல்வி அலுவலா் சீனிவாசன், தலைமையாசிரியா்கள் கமலநாதன், ராஜேந்திரன் முன்னிலை வகித்தனா். கொள்ளிடம் வட்டார வளமைய மேற்பாா்வையாளா் ஞான புகழேந்தி விளையாட்டுப் போட்டிகளில் வெற்றி பெற்ற மாணவா்கள் மற்றும் சிறப்பாக பணியாற்றிய தலைமையாசிரியா் மணிவண்ணனுக்கு பரிசு மற்றும் சான்றிதழ்களை வழங்கினாா். தலைமையாசிரியா்கள் முருகையன், முருகானந்தம், சம்பந்தம், பாலு உள்ளிட்டோா் பங்கேற்றனா். ஆசிரியா் கிருஷ்ணகுமாா் நன்றி கூறினாா்.