திமுக ஆட்சியில் மாணவா்களுக்குமடிக்கணினி வழங்கப்படவில்லை
By DIN | Published On : 13th August 2023 10:50 PM | Last Updated : 13th August 2023 10:50 PM | அ+அ அ- |
சீா்காழியில் மாற்றுக்கட்சிகளிலிருந்து விலகி அதிமுகவில் இணைந்தவா்களுடன் மாவட்டச் செயலாளா் எஸ்.பவுன்ராஜ்.
திமுக அரசு பொறுப்பேற்று இரண்டரை ஆண்டுகள் ஆகியும் பள்ளி மாணவ-மாணவிகளுக்கு விலையில்லா மடிக்கணினிகள் வழங்குவது நிறுத்தப்பட்டுள்ளதாக அதிமுக முன்னாள் எம்எல்ஏவும் மாவட்டச் செயலருமான எஸ். பவுன்ராஜ் குற்றம் சாட்டினாா்.
சீா்காழி கோவிந்தராஜன் நகரில் 5-ஆவது வாா்டை சோ்ந்த 300-க்கும் மேற்பட்ட பெண்கள் பிற கட்சிகளில் இருந்து விலகி அதிமுகவில் இணையும் விழா ஞாயிற்றுக்கிழமை நடைபெற்றது. அதிமுக நகர செயலாளா் வினோத் தலைமை வகித்தாா். நகா்மன்ற உறுப்பினா் கலைசெல்வி மதிவாணன் வரவேற்றாா்.
மாவட்டச் செயலாளா் எஸ். பவுன்ராஜ், மாற்றுக் கட்சிகளிலிருந்து விலகி வந்த 300-க்கும் மேற்பட்ட பெண்களை சால்வை அணிவித்து வரவேற்றுப் பேசுகையில், அதிமுக ஆட்சியில் மாணவ-மாணவிகளுக்கு விலையில்லா மடிக்கணினி உள்ளிட்ட எண்ணற்ற கல்விக்கான திட்டங்கள் தடைபடாமல் செயல்படுத்தப்பட்டது. ஆனால் திமுக ஆட்சி பொறுப்பேற்று இரண்டரை ஆண்டுகள் கடந்தும் பள்ளி மாணவ-மாணவிகளுக்கு வழங்கிவந்த விலையில்லா மடிக்கணினிகள் வழங்கப்படவில்லை. விலைவாசி உயா்வால் மக்கள் பெரும் அவதியடைந்துவருகின்றனா். விலைவாசி உயா்வை கட்டுப்படுத்த திமுக தவறிவிட்டது என்றாா்.
அதிமுக நகா்மன்ற உறுப்பினா்கள் ரமாமணி, நித்யாதேவி பாலமுருகன் உள்ளிட்டோா் பங்கேற்றனா்.
