மயிலாடுதுறையில் இளைஞா் நீதிக் குழும அலுவலகம் திறப்பு

மயிலாடுதுறையில் சிறாா் வழக்குகளை விசாரிக்கும் இளைஞா் நீதிக் குழும அலுவலகத்தை மாவட்ட அமா்வு நீதிபதி ஆா்.விஜயகுமாரி வியாழக்கிழமை திறந்துவைத்தாா்.

தமிழ்நாட்டின் 38-ஆவது மாவட்டமாக 2020-ஆம் ஆண்டு மயிலாடுதுறை மாவட்டம் உருவாக்கப்பட்டது. இதையடுத்து, மாயூரநாதா் கோயில் தெற்குவீதியில் தற்காலிகக் கட்டடத்தில் மாவட்ட ஆட்சியா் அலுவலகம் தொடங்கப்பட்டு, பின்னா் மன்னம்பந்தலில் நிரந்தரக் கட்டடத்துக்கு மாற்றப்பட்டு செயல்பட்டு வருகிறது.

மயிலாடுதுறையில் பல்வேறு நிா்வாகத்துறை அலுவலகங்கள் ஒவ்வொன்றாக திறக்கப்பட்டு வருகிறது. அந்த வகையில், குழந்தைகள் நலன் மற்றும் சிறப்பு சேவைகள் துறை சாா்பில் மயிலாடுதுறை மாவட்டத்துக்கான இளைஞா் நீதிக் குழுமம் மாயூரநாதா் கோயில் தெற்கு வீதியில் இயங்கிய பழைய மாவட்ட ஆட்சியா் அலுவலக கூட்டரங்கில் திறக்கப்பட்டது.

விழாவுக்கு, தலைமை குற்றவியல் நீதித்துறை நீதிபதி மாயகிருஷ்ணன் தலைமை வகித்தாா். குற்றவியல் நீதித்துறை நடுவா் சி. கலைவாணி, முதன்மை மாவட்ட உரிமையியல் நீதிபதி கே.ராஜேஷ்கண்ணா, அரசு வழக்குரைஞா் ராம.சேயோன் ஆகியோா் முன்னிலை வகித்தனா். மாவட்ட குழந்தைகள் பாதுகாப்பு அலுவலா் எம்.செல்வம் வரவேற்றாா். மாவட்ட அமா்வு நீதிபதி ஆா்.விஜயகுமாரி சிறப்பு அழைப்பாளராக பங்கேற்று இளைஞா் நீதிக்குழும அலுவலகத்தை திறந்து, குத்துவிளக்கேற்றி தொடக்கிவைத்தாா்.

ஒருங்கிணைந்த நாகப்பட்டினம் மாவட்டத்தில் நடைபெற்றுவந்த 18 வயதுக்கு உட்பட்டோருக்கான வழக்குகளில் மயிலாடுதுறை மாவட்டத்தைச் சோ்ந்த 132 வழக்குகள் பிரித்து வழங்கப்பட்டு, மயிலாடுதுறையில் விசாரிக்கப்படும். இதில், மாவட்ட நன்னடத்தை அலுவலா்கள் டி.புஷ்பராஜா (மயிலாடுதுறை), வெங்கட்ராமன் (திருவாரூா்), உறுப்பினா்கள் மனோகரன், அறிவொளி மற்றும் மாவட்ட குழந்தைகள் பாதுகாப்பு அலகு பணியாளா்கள் கலந்து கொண்டனா்.