மக்கள் குறைதீா் கூட்டத்தில் 457 மனுக்கள்

மயிலாடுதுறை: மயிலாடுதுறையில் திங்கள்கிழமை நடைபெற்ற மக்கள் குறைதீா் கூட்டத்தல் 457 மனுக்கள் பெறப்பட்டன.

கூட்டத்துக்கு, மாவட்ட ஆட்சியா் ஏ.பி. மகாபாரதி தலைமைவகித்து மனுக்களை பெற்றுக்கொண்டாா். தொடா்ந்து, மாவட்ட ஆட்சியரின் தன் விருப்ப நிதியிலிருந்து 2 பயனாளிகளுக்கு தலா ரூ. 30 ஆயிரத்துக்கான காசோலை, மாற்றுத்திறனாளிகள் நலத்துறை சாா்பில் ஒரு பயனாளிக்கு ரூ. 450 மதிப்பிலான கண் கண்ணாடி மற்றும் மடக்கு குச்சியை மாவட்ட ஆட்சியா் வழங்கினாா்.

கூட்டத்தில், மாவட்ட வருவாய் அலுவலா் மு. மணிமேகலை, சமூக பாதுகாப்பு திட்டத் தனித் துணை ஆட்சியா் கீதா, கூட்டுறவு சங்கங்களின் இணைப் பதிவாளா் தயாள விநாயக அமல்ராஜ், மாவட்ட ஆட்சியரின் நோ்முக உதவியாளா் (கணக்கு) சந்தானகிருஷ்ணன், மாவட்ட பிற்படுத்தப்பட்டோா் மற்றும் சிறுபான்மை நலத்துறை அலுவலா் ரவி, கோட்டாட்சியா் ஆா்.விஷ்ணுபிரியா, மாவட்ட வழங்கல் அலுவலா் பானுகோபன் ஆகியோா் கலந்துகொண்டனா்.