மூதாட்டியிடம் நகை பறிப்பு: பட்டதாரி இளைஞா் கைது

மயிலாடுதுறையில் மூதாட்டியிடம் 5 பவுன் தங்கச் சங்கிலியை பறித்துச் சென்ற பட்டதாரி இளைஞரை தனிப்படை போலீஸாா் சனிக்கிழமை கைது செய்தனா்.

மயிலாடுதுறை அருகே பட்டமங்கலம் பேச்சாவடி பகுதியைச் சோ்ந்தவா் மலா்கொடி (67). இவா், கடந்த 19-ஆம் தேதி காலை தனது வீட்டின் அருகே சாலையில் நடைபயிற்சி செய்தபோது இருசக்கர வாகனத்தில் தலைக்கவசம் அணிந்து வந்த மா்ம நபா் மலா்கொடி கழுத்தில் அணிந்திருந்த 5 பவுன் தங்கச் சங்கிலியை பறித்துக்கொண்டு தப்பினாா்.

இதுகுறித்து மயிலாடுதுறை போலீஸாா் விசாரணை நடத்திவந்த நிலையில், மாவட்ட காவல் கண்காணிப்பாளா் கோ. ஸ்டாலின் உத்தரவின்பேரில், தனிப்படை அமைக்கப்பட்டது.

காவல் உதவி ஆய்வாளா் இளையராஜா தலைமையில், தலைமைக் காவலா்கள் அசோக், நரசிம்மபாரதி உள்ளிட்டோா் அடங்கிய தனிப்படை போலீஸாா் சிசிடிவி பதிவுகளின் அடிப்படையில் விசாரணை நடத்தியதில், தஞ்சாவூா் மாவட்டம், திருவிடைமருதூா் வட்டம் ஆடுதுறை திருமஞ்சன வீதியைச் சோ்ந்த பாலகிருஷ்ணன் மகன் விஜயபாலன் (26) என்பவா் சம்பவத்தில் ஈடுபட்டது தெரியவந்தது. அவரை பிடித்து விசாரித்ததில் அவா் குற்றத்தை ஒப்புக்கொண்டாா்.

மேலும், செம்பனாா்கோவில் அருகே கீழையூரில் பெண் ஒருவரிடம் 4 பவுன் தங்கச் சங்கிலியை கடந்த மாா்ச் மாதம் பறித்து சென்றதும் தெரியவந்தது. விஜயபாலனை கைது செய்த போலீஸாா் அவரிடமிருந்து 9 பவுன் தங்க நகையை பறிமுதல் செய்தனா்.

பொறியியல் பட்டதாரியான விஜயபாலன் ஆன் லைனில் ரூ. 6 லட்சத்துக்கு மேல் கடன் வாங்கி செலவு செய்திருந்த நிலையில், அந்த கடனை அடைப்பதற்காக நம்பா் பிளேட் இல்லாத பைக்கை பயன்படுத்தி, நகை பறிப்பில் ஈடுபட்டதாக தெரிவித்துள்ளாா்.

குற்றவாளியை விரைந்து கைது செய்த தனிப்படையினருக்கு டிஎஸ்பி திருப்பதி, காவல் ஆய்வாளா் சிவக்குமாா் மற்றும் காவல்துறை அதிகாரிகள் பாராட்டு தெரிவித்தனா்.