24 நேரடி நெல் கொள்முதல் நிலையங்கள் திறப்பு

நாகை மாவட்டத்தில் நெல் கொள்முதலுக்காக செப். 23-ம் தேதி புதிதாக 24 நேரடி நெல் கொள்முதல் நிலையங்கள் திறக்கப்பட்டுள்ளன என ஆட்சியர் து. முனுசாமி தெரிவித்துள்ளார். இதுகுறித்து அவர் வெளியிட்ட செய்திக் குறிப்பு :

நாகை மாவட்டத்தில் கே.எம்.எஸ் 2013-14 பருவத்திற்கான நெல் கொள்முதலுக்காக நாகை மாவட்டத்தில் ஏற்கெனவே 19 நேரடி நெல் கொள்முதல் நிலையங்கள் செயல்பாட்டில் உள்ளன.

 நாகை வட்டத்தில் 2, கீழ்வேளூர் மற்றும் திருக்குவளை வட்டத்தில் தலா- 1,  மயிலாடுதுறை, குத்தாலம், தரங்கம்பாடி ஆகிய வட்டங்களில் தலா 3, சீர்காழி வட்டத்தில் 6 என்ற எண்ணிக்கையில் 19 கொள்முதல் நிலையங்கள் செயல்பாட்டில் உள்ளன.

செப். 23-ம் தேதி முதல் கூடுதலாக 24 புதிய நேரடி நெல் கொள்முதல் நிலையங்கள் திறக்கப்பட்டுள்ளன.  மயிலாடுதுறை வட்டத்தில் 3, குத்தாலம் வட்டத்தில் 8, தரங்கம்பாடி வட்டத்தில் 10, சீர்காழி வட்டத்தில் 3 என்ற எண்ணிக்கையில் புதிதாக 24 நேரடி நெல் கொள்முதல் நிலையங்கள் திறக்கப்பட்டுள்ளன. எனவே, விவசாயிகள் தங்களது நெல்லை நேரடி நெல் கொள்முதல் நிலையங்களில் விற்றுப் பயனடையுமாறு ஆட்சியர் தனது செய்திக் குறிப்பில் தெரிவித்துள்ளார்.