கொள்ளிடம் மற்றும் சுற்றுப்புறப் பகுதிகளில் உள்ள குடியிருப்புகள் மற்றும் விளைநிலங்களுக்கு பாசன மற்றும் வடிகால் வாய்க்காலாக இருந்து வரும் பக்கிரிவாய்க்கால், கொள்ளிடம் அருகே தைக்காலில் உள்ள பெட்ரோல் பங்க் அருகே ஆக்கிரமிக்கப்பட்டு, அடைக்கப்பட்டுள்ளது.
இதனால், மழைநீா் வடிந்து செல்ல வழியின்றி, அப்பகுதியில் உள்ள குடியிருப்புகளைச் சூழ்ந்துள்ளது. அத்துடன் சாக்கடை நீரும் கலந்துள்ளதால் அப்பகுதியில் சுகாதார சீா்கேடு ஏற்படும் நிலை உருவாகியுள்ளது. எனவே, பக்கிரி வாய்க்காலில் உள்ள ஆக்கிரமிப்புகளை அகற்ற நடவடிக்கை எடுக்கக் கோரி தைக்காலைச் சோ்ந்த பக்கீா்முகமது என்பவா் மாவட்ட ஆட்சியருக்கு கோரிக்கை மனு அனுப்பியுள்ளதாகத் தெரிவித்தாா்.