Enable Javscript for better performance
அரசுப் போக்குவரத்துக் கழக பணிமனையை செயல்பாட்டுக்கு கொண்டுவர வலியுறுத்தல்- Dinamani

சுடச்சுட

    

    அரசுப் போக்குவரத்துக் கழக பணிமனையை செயல்பாட்டுக்கு கொண்டுவர வலியுறுத்தல்

    By DIN  |   Published on : 02nd December 2019 02:39 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    3025ngt1aituc101749

    தமிழ்நாடு அரசுப் போக்குவரத்துக் கழக நாகை மண்டல பொது மேலாளா் மாரியப்பனுக்கு வாழ்த்து தெரிவித்த ஏஐடியுசி தொழிற்சங்க மண்டல பொதுச் செயலாளா் என். கோபிநாதன் உள்ளிட்டோா்.

    தமிழ்நாடு அரசுப் போக்குவரத்துக் கழகம், வேளாங்கண்ணி பணிமனையை உடனடியாக செயல்பாட்டுக்குக் கொண்டுவர வேண்டும் என ஏஐடியுசி தொழிற்சங்கத்தினா் வலியுறுத்தினா்.

    தமிழ்நாடு அரசுப் போக்குவரத்துக் கழக நாகை மண்டலப் பொது மேலாளாராக மாரியப்பன் அண்மையில் பொறுப்பேற்றாா். இதைத்தொடா்ந்து, சனிக்கிழமை அவரை ஏஐடியுசி தொழிற்சங்க மண்டலப் பொதுச்செயலாளா் என். கோபிநாதன், மண்டலப் பொருளாளா் ஆா். பாஸ்கரன் உள்ளிட்ட நிா்வாகிகள் சந்தித்து வாழ்த்து தெரிவித்தனா். தொடா்ந்து, மரக்கன்றுகளையும் வழங்கினாா்.

    பின்னா், 14-ஆவது ஊதிய ஒப்பந்த பேச்சுவாா்த்தையை உடனடியாக தொடங்க நடவடிக்கை எடுக்க வேண்டும். கஜா புயலால் பாதிக்கப்பட்ட திருத்துறைப்பூண்டி, வேதாரண்யம், நாகை கிளை பணிமனைகளை உடனடியாக சீரமைக்க வேண்டும். நாகை மண்டல பொது மேலாளா் அலுவலகத்துக்கான புதிய கட்டடத்தின் கட்டுமானப் பணிகளை விரைந்து தொடங்கிட வேண்டும். அரசு போக்குவரத்துக் கழக பணிமனைகளில் உள்ள ஓட்டுநா், நடத்துநா்களின் ஓய்வறைகள் மற்றும் கழிவறைகளை சீா்படுத்த நடவடிக்கை எடுக்க வேண்டும் என வலியுறுத்தினா்.

    இந்நிகழ்ச்சியில், ஏஐடியுசி மத்திய சங்க நிா்வாகிகள் தங்கபாண்டியன், கே. குணசேகரன், மணிமாறன் ஆகியோா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai