Enable Javscript for better performance
நாகை மாவட்டத்தில் குறைந்தது மழை- Dinamani

சுடச்சுட

    

    நாகை மாவட்டத்தில் கடந்த 10 நாள்களுக்கும் மேலாக நீடித்து வந்த மழை சீற்றம் திங்கள், செவ்வாய்க்கிழமைகளில் குறைந்திருந்தது.

    வெப்பச் சலனம் மற்றும் வளிமண்டல மேலடுக்கு சுழற்சி காரணமாக நாகை மாவட்டத்தில் கடந்த 21-ஆம் தேதி முதல் பலத்த மற்றும் மிதமான மழை பெய்தது. கடந்த புதன்கிழமை முதல் ஞாயிற்றுக்கிழமை வரை நாகை மாவட்டத்தில் கனமழையின் சீற்றம் மேலும் அதிகரித்துக் காணப்பட்டது.

    இந்த நிலையில், கடந்த இரு நாள்களாக மழை சீற்றம் குறைந்து வருகிறது. இருப்பினும், அவ்வப்போது லேசான மற்றும் மிதமான மழை பெய்து வருகிறது. செவ்வாய்க்கிழமை காலை 6 மணியுடன் முடிவடைந்த 24 மணி நேரத்தில் மாவட்டத்தில் அதிகளவாக தரங்கம்பாடியில் 82 மி.மீ மழை பதிவானது.

    மற்ற பகுதிகளின் மழையளவு (மி.மீட்டரில்) : சீா்காழி - 76.6. கொள்ளிடம் - 68.8. மணல்மேடு - 53. தலைஞாயிறு - 28.6. நாகப்பட்டினம் - 20.8. மயிலாடுதுறை - 16.7. திருப்பூண்டி - 10.4.

    செவ்வாய்க்கிழமை பகல் நேரத்தில் நாகை மாவட்டம், மயிலாடுதுறை உள்ளிட்ட ஒரு சில பகுதிகளில் அவ்வப்போது மழை பெய்தது. இருப்பினும், மாவட்டத்தின் பெரும்பாலான பகுதிகளில் பகல் நேரத்தில் பலத்த மழை இல்லை.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai