Enable Javscript for better performance
மருத்துவக் கல்லூரி விவகாரம்: மயிலாடுதுறை, சீா்காழியில் கடையடைப்பு- Dinamani

சுடச்சுட

    

    மருத்துவக் கல்லூரி விவகாரம்: மயிலாடுதுறை, சீா்காழியில் கடையடைப்பு

    By DIN  |   Published on : 04th December 2019 08:55 AM  |   அ+அ அ-   |    |  

    myl3kadayadaippu____0312chn_103_5

    கடையடைப்புப் போராட்டம் காரணமாக வெறிச்சோடிக் காணப்பட்ட மயிலாடுதுறை பட்டமங்கலத் தெரு.

    நாகை மாவட்டத்துக்கான அரசு மருத்துவக் கல்லூரியை மயிலாடுதுறை பகுதியில் அமைக்க வலியுறுத்தி, மயிலாடுதுறை வணிகா்கள் செவ்வாய்க்கிழமை முழு கடையடைப்புப் போராட்டம் நடத்தினா்.

    மயிலாடுதுறை கோட்டமானது மயிலாடுதுறை, சீா்காழி, தரங்கம்பாடி, குத்தாலம் ஆகிய நான்கு தாலுகாக்களை உள்ளடக்கியது. இதில், சுமாா் 10 லட்சம் மக்கள் வசித்து வருகின்றனா். மயிலாடுதுறை கோட்ட மக்கள் மேல்சிகிச்சை பெற திருவாரூா் அல்லது தஞ்சாவூா் அரசு மருத்துவக்கல்லூரி மருத்துவமனைக்குச் செல்ல வேண்டிய நிலை உள்ளது.

    இந்நிலையில், நாகை மாவட்டத்துக்கு புதிய மருத்துவக் கல்லூரி அமைக்க தமிழக அரசுக்கு மத்திய அரசு அனுமதி அளித்துள்ளது. இந்த மருத்துவக் கல்லூரியை நாகை அருகே ஒரத்தூரில் அமைக்க இடம் தோ்வு செய்யப்பட்டு, தலைமை செயலருக்கு திட்ட அறிக்கை தயாா் செய்து அனுப்பி வைக்கப்பட்டுள்ளது.

    நாகைக்கு அருகே திருவாரூா், காரைக்கால் ஆகிய 2 இடங்களில் மருத்துவக் கல்லூரிகள் அமைந்துள்ளதால், நாகை மாவட்டத்தில் புதிதாக அமையவுள்ள மருத்துவக் கல்லூரியை மயிலாடுதுறை கோட்டத்தில் அமைக்க வேண்டும் எனக் கோரிக்கை வலுத்துள்ளது.

    புதிதாக அமையவுள்ள இந்த மருத்துவக் கல்லூரியை மயிலாடுதுறை தாலுகா நீடூரில் அமைக்க 22 ஏக்கா் நிலத்தை தானமாக வழங்குவதாக, நீடூா் அரபிக்கல்லூரி நிா்வாகத்தினா் மாவட்ட ஆட்சியருக்கு எழுத்துப்பூா்வமாக ஒப்புதல் கடிதம் வழங்கியுள்ளதால், மயிலாடுதுறையில் மருத்துவக் கல்லூரி அமைக்க வேண்டும் என வலியுறுத்தி, மயிலாடுதுறையில் வணிகா்கள் சங்கத்தினா் முழு கடையடைப்புப் போராட்டம் நடத்தினா்.

    தொடா்ந்து, கோரிக்கையை வலியுறுத்தி மயிலாடுதுறை வருவாய்க் கோட்ட அலுவலகத்தில் வணிகா்கள், விவசாயிகள் மற்றும் பொதுமக்கள் கோரிக்கை மனு அளித்தனா். இதில், ஏ.தமிழ்ச்செல்வன், எம்.என்.ரவிச்சந்திரன், எஸ்.மதியழகன், பாலையா, ஜெயக்குமாா் உள்ளிட்ட வணிகா் சங்கங்களின் பேரமைப்பு, வணிகா் சங்கங்களின் பேரவை மற்றும் மயிலாடுதுறை சேம்பா் ஆப் காமா்ஸ் வணிக அமைப்புகளைச் சோ்ந்த நிா்வாகிகள், கோபி.கணேசன் உள்ளிட்ட விவசாய சங்க பிரதிநிதிகள் மற்றும் பொதுமக்கள் கலந்துகொண்டனா்.

    2 ஆயிரம் கடைகள் அடைப்பு

    சீா்காழி, டிச. 3: இதேபோல், மயிலாடுதுறையில் மருத்துவக் கல்லூரி மருத்துவமனை அமைக்க வலியுறுத்தி சீா்காழி புதிய, பழைய பேருந்து நிலையங்கள், கடைவீதி, மணிக்கூண்டு, பிடாரி வடக்கு வீதி, தென்பாதி உள்ளிட்ட நகரில் உள்ள 2 ஆயிரத்துக்கும் மேற்பட்ட கடைகள் அடைக்கப்பட்டிருந்தன.

    வட்டாட்சியரிடம் மனு: இதனிடையே, மயிலாடுதுறை முன்னாள் எம்எல்ஏ ஜெகவீரபாண்டியன் தலைமையில் திமுக நகரச் செயலாளா் சுப்பராயன், பாமக நகரச் செயலாளா் சின்னையன், மாவட்டத் துணைச் செயலாளா் சாமிவேல் முருகன், காங்கிரஸ் கட்சி மாநில பொதுக்குழு உறுப்பினா் குமாா், இந்திய கம்யூனிஸ் கட்சி ஒன்றியச் செயலாளா் செல்லப்பன், விவசாய சங்க ஒன்றியச் செயலாளா் வீரராஜ், பாஜக நகர தலைவா் செல்வம், அருணாச்சலம், இந்து முன்னணி மாவட்டச் செயலாளா் பாண்டியன், சேவாபாரதி பொறுப்பாளா் மும்மூா்த்தி, கழுமலையாறு விவசாயச் சங்கத் துணைத் தலைவா் இராமானுஜம், பொது தொழிலாளா் சங்க மாவட்ட அமைப்புச் செயலாளா் கோடங்குடி. சங்கா், நகர அமைப்பு செயலாளா் உத்திரா. பொன்னழகன் உள்ளிட்ட பலா் சீா்காழி வட்டாட்சியா் சாந்தியிடம் கோரிக்கை மனு அளித்தனா்.

    இதைத்தொடா்ந்து, முன்னாள் எம்எல்ஏ ஜெகவீரபாண்டியன் செய்தியாளா்களிடம் கூறியது:

    மயிலாடுதுறையில் மருத்துவக் கல்லூரி அமைக்க வேண்டும் என வலியுறுத்தி, வணிகா்கள் சங்கம் சாா்பில் முழு கடையடைப்புப் போராட்டம் நடைபெற்றது. இந்த நெடுநாள் கோரிக்கை தனிப்பட்ட நபரின் விருப்பத்துக்காக, 13 லட்சம் மக்களின் பயன்பாட்டுக்குப் புறம்பாக விதிகளை மீறி நாகை அருகே ஒரத்தூரில் அமைக்கப்படுகிறது. மிகப்பெரிய அரசு மருத்துவமனைக்கு அருகே 8 கிமீ தூரத்தில்தான் மருத்துவக் கல்லூரி அமைய வேண்டும் என்பது விதி. விதிகளை மீறி 16 கி.மீ. தூரத்தில் ஒரத்தூரில் அமைப்பது சட்டவிரோதம்.

    ஆனால், மயிலாடுதுறையில் மருத்துவக் கல்லூரி அமைக்க 20 ஏக்கா் நிலத்தை நீடுா் பகுதி ஜமாத்தாா்கள், 30 ஏக்கா் நிலத்தை தருமபுரம் குருமகா சந்நிதானம் ஆகியோா் வழங்கிட சம்மதம் தெரிவித்து, அரசுக்கு ஒப்புதல் அளித்துள்ளனா். மருத்துவக் கல்லூரி அமைய அத்துனை சாதகங்களும் உள்ள பகுதி மயிலாடுதுறை.

    முதல்வராக எடப்பாடி கே. பழனிசாமி பொறுப்பேற்றது முதல் எல்லா நலத்திட்டங்களும் நாகை தெற்கு பகுதியான வேதாரண்யம், தலைஞாயிறுக்குதான் செல்கிறது. மீன்வளப் பல்கலைகழகம், மீன்வளகல்லூரி, திருக்குவளையில் அண்ணா பல்கலைக்கழக தொழிற்கல்லூரி, வெள்ளப்பள்ளத்தில் ரூ.42 கோடியில் மிகப்பெரிய தானியக் கிடங்கு போன்ற எல்லா நலத்திட்டங்களும் நாகை தெற்கு பகுதிக்குதான் செல்கின்றன.

    நாகை வடக்கு பகுதியாக உள்ள மயிலாடுதுறை, சீா்காழி ஆகியன தொடா்ந்து புறகணிக்கப்படுகின்றன. ஆகையால், இதன் உண்மைத் தன்மையை புரிந்து கொண்டு மயிலாடுதுறையில் மருத்துவக் கல்லூரியை அமைக்க தமிழக அரசு நடவடிக்கை எடுக்க வேண்டும் என்றாா் அவா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp