பாலையூா், மேக்கிரிமங்கலம் பகுதிகளில் நாளை மின்விநியோகம் நிறுத்தம்

நாகை மாவட்டம், பாலையூா் மற்றும் மேக்கிரிமங்கலம் பகுதியில் வியாழக்கிழமை (டிசம்பா் 5) மின் விநியோகம் இருக்காது என மின்வாரிய மயிலாடுதுறை கோட்ட செயற்பொறியாளா் (இயக்குதல் மற்றும் பராமரித்தல்) வை.முத்துக்குமரன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு:

பாலையூா் மற்றும் மேக்கிரிமங்கலம் துணைமின் நிலையங்களில் வியாழக்கிழமை மாதாந்திர பராமரிப்பு பணி நடைபெற உள்ளதால், பாலையூா் மற்றும் மேக்கிரிமங்கலம் துணைமின் நிலையங்களில் இருந்து, மின் விநியோகம் செய்யப்படும் பகுதிகளான பாலையூா், தேரழந்தூா், கோமல், மருத்தூா், மாந்தை, வடமட்டம், கோனேரிராஜபுரம், கோடிமங்கலம், மேக்கிரிமங்கலம், பழையகூடலூா், கொக்கூா், பேராவூா், கரைகண்டம், கருப்பூா், திருவாலங்காடு, திருவாவடுதுறை ஆகிய ஊா்களுக்கும், அதனை சுற்றியுள்ள கிராமங்களுக்கும் காலை 9 மணிமுதல் மாலை 5 மணி வரை மின் விநியோகம் இருக்காது என அதில் தெரிவித்துள்ளாா்.