வேதாரண்யத்தை அடுத்த கரியாப்பட்டினம் கிராமத்தில், ஹைட்ரோ கார்பன் எடுக்கும் திட்டத்துக்கு எதிர்ப்பு தெரிவித்து, காவிரி தமிழ்தேச விவசாயிகள் சங்கத்தினர் புதன்கிழமை ஆர்ப்பாட்டத்தில் ஈடுபட்டனர்.
கரியாப்பட்டினம் வருவாய் ஆய்வாளர் அலுவலகம் எதிரே நடைபெற்ற ஆர்ப்பாட்டத்துக்கு, தமிழ்தேச விவசாயிகள் சங்கத்தின் தலைவர் எம்.ஆர். சுப்பிரமணியன் தலைமை வகித்தார்.
கரியாப்பட்டினம் ஹைட்ரோ கார்பன் திட்ட எதிர்ப்பு போராட்டக்குழு ஒருங்கிணைப்பாளர் த. சரவணமுத்து முன்னிலை வகித்தார். புரட்சிகர விவசாயிகள் சங்க மாநில ஒருங்கிணைப்பாளர் புகழேந்தி, காவிரி தமிழ்தேச விவசாயிகள் சங்கத்தின் செயலாளர் பொன். ரவிச்சந்திரன், மாவட்ட நிர்வாகிகள் சிவராஜ், கலைமணி, மோகன்தாஸ், சுப்பிரமணியன், எம். பன்னீர்செல்வம் உள்ளிட்டோர் பங்கேற்று பேசினர்.