வட்டார வள மையம் சார்பில், பெண்கல்வியின் முக்கியத்துவத்தை வலியுறுத்தி, விழிப்புணர்வு போட்டி திருமருகலில் நடைபெற்றது.
தமிழ்நாடு ஒருங்கிணைந்த பள்ளிக் கல்வித்திட்டத்தின் மூலம் திருமருகல் வட்டார வள மையத்தில், பெண் கல்வியின் முக்கியத்துவம், இலவச மற்றும் கட்டாயக் கல்வி உரிமைச் சட்டம்- 2009 குறித்து மாணவர்களிடையே விழிப்புணர்வு ஏற்படுத்தும் நோக்கில், அனைத்து அரசுப் பள்ளி மாணவர்களுக்கும் ஓவியப் போட்டி, பேச்சுப் போட்டி, கட்டுரைப் போட்டிகள் நடைபெற்றன. நிகழ்ச்சிக்கு, திருமருகல் வட்டார வள மைய மேற்பார்வையாளர் (பொறுப்பு) அமுதா தலைமை வகித்தார். திருமருகல் வட்டார கல்வி அலுவலர்கள் ராஜமாணிக்கம், இளங்கோவன் சிறப்பு விருந்தினர்களாகக் கலந்து கொண்டு போட்டியைத் தொடங்கி வைத்தனர்.