Enable Javscript for better performance
எம்ஜிஆர் பிறந்த நாள்: சிலைக்கு மாலை அணிவித்து மரியாதை- Dinamani

உடனுக்கு உடன் செய்திகள்

    எம்ஜிஆர் பிறந்த நாள்: சிலைக்கு மாலை அணிவித்து மரியாதை

    By DIN  |   Published On : 18th January 2019 06:34 AM  |   Last Updated : 18th January 2019 06:34 AM  |  அ+அ அ-  |  

    நாகை மாவட்டத்தில், நாகை, மயிலாடுதுறை, சீர்காழி, குத்தாலம், பொறையாறு உள்ளிட்ட பல்வேறு இடங்களில் வியாழக்கிழமை எம்ஜிஆர் பிறந்தநாளையொட்டி, அவரது திருவுருவச் சிலைக்கு மாலை அணிவித்து மரியாதை செலுத்தப்பட்டது. 
    அதிமுக நிறுவனரும், தமிழக முன்னாள் முதல்வருமான எம்ஜிஆரின் 102-ஆவது பிறந்தநாள் விழா வியாழக்கிழமை கொண்டாடப்பட்டது.
    நாகையில், அதிமுக நகரச் செயலர் தங்க. கதிரவன் தலைமையில் கோட்டைவாசல் பகுதியிலிருந்து  இருசக்கர வாகனங்களில் பேரணியாகச் சென்று நாகை நகராட்சிக்குள்பட்ட வார்டு பகுதிகளில் கட்சிக் கொடியேற்றி, பொது மக்களுக்கு இனிப்புகள் வழங்கப்பட்டன. 
    முன்னதாக,  நாகை ஸ்ரீசெளந்தரராஜப் பெருமாள் கோயில் அருகேயுள்ள எம்ஜிஆர் சிலைக்கு மாலை அணிவித்து மரியாதை செலுத்தப்பட்டது. இதில், முன்னாள் அமைச்சர் ஆர். ஜீவானந்தம் உள்ளிட்ட கட்சி நிர்வாகிகள் பங்கேற்றனர். 
    மயிலாடுதுறையில்...
    மயிலாடுதுறையில், சட்டப் பேரவை உறுப்பினர் அலுவலகம் முன்பு, பேரவை உறுப்பினர் வீ. ராதாகிருஷ்ணன் தலைமையில் நடைபெற்ற எம்ஜிஆர் பிறந்த நாள் விழாவில், நகரச் செயலர் செந்தில்நாதன், நகர அவைத் தலைவர் எஸ். அலி, கூட்டுறவு சங்கத் தலைவர் வி. பழனிசாமி, முன்னாள் நகரச் செயலர் கிருஷ்ணமூர்த்தி, பொதுக்குழு உறுப்பினர் பாபு உள்ளிட்டோர் பங்கேற்றனர்.
    சீர்காழியில்...
    சீர்காழி ஈசானியத் தெருவில் உள்ள எம்ஜிஆர் திருவுருவச் சிலைக்கு எம்எல்ஏ பி.வி. பாரதி மாலை அணிவித்து மரியாதை செலுத்தினார். இதில், நகரச் செயலர் பக்கரிசாமி, ஒன்றியச் செயலர் ராஜமாணிக்கம், துணைச் செயலர் ரவிச்சந்திரன், ஜெ.பேரவைச் செயலர் ஏ.வி. மணி, முன்னாள் எம்எல்ஏ பூராசாமி உள்ளிட்டோர் பங்கேற்றனர். 
    இதேபோல், கொள்ளிடத்தில் ஒன்றியச் செயலர் நற்குணன்  தலைமையில் நடைபெற்ற எம்ஜிஆர் பிறந்த நாள் விழாவில், சட்டப் பேரவை முன்னாள் உறுப்பினர் ம. சக்தி, தொகுதி இணைச் செயலர் ராஜேந்திரன், பொறுப்பாளர்கள் ஆனந்த நடராஜன், சம்பந்தம், வீரபாண்டியன் உள்ளிட்டோர்
    பங்கேற்றனர்.
    பொறையாறில்...
    செம்பனார்கோவில் அருகேயுள்ள காலகஸ்திநாதபுரத்தில் உள்ள எம்ஜிஆர் சிலைக்கு பூம்புகார் சட்டப் பேரவைத் தொகுதி உறுப்பினர் எஸ். பவுன்ராஜ் மாலை அணிவித்து மரியாதைச் செலுத்தினார். இதில், சட்டப் பேரவை முன்னாள் உறுப்பினர்கள் ரெங்கநாதன், விஜயபாலன், வடக்கு ஒன்றியச் செயலர் டி. சுந்தர்ராஜன் உள்ளிட்டோர் பங்கேற்றனர். 
    குத்தாலத்தில்...
    மங்கநல்லூர் பேருந்து நிலையத்தில் குத்தாலம் தெற்கு ஒன்றிய அதிமுக சார்பில், நடிப்பிசை புலவர் கே.ஆர். ராமசாமி கூட்டுறவு சர்க்கரை ஆலை தலைவரும், தெற்கு ஒன்றியச் செயலருமான என். தமிழரசன் தலைமையில் நடைபெற்ற எம்ஜிஆர் பிறந்த நாள் விழாவில், மாவட்ட மருத்துவர் அணிச் செயலர் சண்முகம்,  ஊராட்சி முன்னாள் தலைவர்கள்  இளங்கோவன், சாமிக்கண்ணு, செந்தில்குமார், ரமேஷ் உள்ளிட்டோர் பங்கேற்றனர். இதேபோல், குத்தாலம் ஒன்றியத்தில் அனைத்து கிராமங்களிலும் எம்ஜிஆர் திருவுருவப்படம் வைத்து மாலை அணிவித்து மரியாதை செலுத்தப்பட்டது.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp