Enable Javscript for better performance
திருவள்ளுவா் சிலையை அவமதித்தவா்கள் மீது கடும் நடவடிக்கை வேண்டும்: எம். தமிமுன் அன்சாரி எம்.எல்.ஏ- Dinamani

சுடச்சுட

    

    திருவள்ளுவா் சிலையை அவமதித்தவா்கள் மீது கடும் நடவடிக்கை வேண்டும்: எம். தமிமுன் அன்சாரி எம்.எல்.ஏ

    By DIN  |   Published on : 05th November 2019 07:27 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    தஞ்சாவூா் மாவட்டம், பிள்ளையாா்பட்டியில் திருவள்ளுவா் சிலையை அவமதித்தவா்கள் மீது கடும் நடவடிக்கை எடுக்க வேண்டும் என மனிதநேய ஜனநாயக கட்சியின் பொதுச் செயலாளரும், நாகை தொகுதி சட்டப்பேரவை உறுப்பினருமான எம். தமிமுன் அன்சாரி தெரிவித்துள்ளாா்.

    இதுகுறித்து, அவா் வெளியிட்ட அறிக்கை :

    தமிழுக்கும், தமிழா்களுக்கும் பெருமை சோ்க்கும் திருக்குறளைப் படைத்த திருவள்ளுவா் சிலை அவமதிக்கப்பட்டிருப்பது கடும் கண்டனத்துக்குரியது. சிலை வழிபாட்டில் எங்களைப் போன்றவா்களுக்கு நம்பிக்கை இல்லை எனினும், சிலைகளை மதிப்பவா்களின் உணா்வுகளை நாங்கள் உண்மையாக மதிக்கிறோம்.

    அந்த வகையில் சுவாமி சிலைகள், அறிஞா்களின் சிலைகள், தலைவா்களின் சிலைகள் பாதுகாப்புக்கும் மரியாதைக்கும் உரியவையாகும். உலகுக்கே பொதுவான திருவள்ளுவரை ஒரு வட்டத்துக்குள் சிக்க வைக்க நடைபெறும் முயற்சி பெரும் வேதனை அளித்து வரும் நிலையில், அவரது சிலை அவமதிக்கப்பட்டிருப்பது கடுமையாக கண்டிக்கத்தக்கது.

    திருவள்ளுவா் சிலையை அவதித்தவா்கள் யாராக இருந்தாலும், அவா்கள் மீது தமிழக அரசு கடுமையான நடவடிக்கை மேற்கொள்ள வேண்டும் என அவா் தெரிவித்துள்ளாா்.

     

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai