Enable Javscript for better performance
புதுப்பொலிவு பெறுமா பூங்கா- Dinamani

சுடச்சுட

    
    myl15park___1510chn_103_5

    மயிலாடுதுறை வரதாச்சாரியாா் பூங்காவின் முகப்புப் பகுதி.

    மயிலாடுதுறையில் உள்ள வரதாச்சாரியாா் பூங்காவை சீரமைக்க வேண்டும் என நகராட்சி நிா்வாகத்துக்கு பொதுமக்கள் கோரிக்கை விடுத்துள்ளனா்.

    மயிலாடுதுறை புதிய பேருந்து நிலையம் அருகே வரதாச்சாரியாா் பூங்கா உள்ளது. இப்பூங்காவை கடந்த 1951-ஆம் ஆண்டு ஜனவரி 26-ஆம் தேதி, அப்போதைய மாயூரம் நகா்மன்றத் தலைவா் கே.வி.ஆா். வெங்கட்ராம ரெட்டியாா், நகராட்சி ஆணையா் எம்.சி. டேனியல் ஆகியோா் முன்னிலையில், ஒருங்கிணைந்த தஞ்சாவூா் மாவட்டத்தின் மாயூரம் வருவாய்க் கோட்ட அலுவலா் கேப்டன் ஏ.எஸ். வெங்கட்ராமன் திறந்துவைத்தாா்.

    இப்பூங்காவில், 1952-ஆம் ஆண்டு அக்டோபா் 2-ஆம் தேதி காந்தி ஜயந்தி தினத்தில், மகாத்மா காந்தியின் மாா்பளவு சிலை அப்போதைய நகா்மன்றத் தலைவா் எம்.எஸ். பொன்னுசாமியால் திறக்கப்பட்டது. மேலும், இப்பூங்காவில் நான்கு புறங்களிலும் இளைய தலைமுறையினா் அறிந்து கொள்ளும் வகையில், சுதந்திர இந்தியாவின் முதல் பிரதமா் ஜவாஹா்லால் நேரு, துணை பிரதமா் சா்தாா் வல்லபபாய் படேல், முதல் குடியரசுத் தலைவா் ராஜேந்திர பிரசாத், அப்போதைய மெட்ராஸ் மாகாண முதலமைச்சா் ராஜாஜி என்கிற சி. ராஜகோபாலாச்சாரியாா் ஆகியோரின் முழு உருவச்சிலைகளும் நிறுவப்பட்டன.

    இந்தப் பூங்காவில் நடைப்பயிற்சி மேற்கொள்பவா்களுக்கான நடைப்பாதை, செய்திகளை அறிந்துகொள்ள வானொலி அறை, நான்கு புறங்களிலும் அழகிய நீரூற்று, அமா்ந்து ஓய்வெடுக்கும் வகையில் சாய்வு இருக்கைகள், வண்ணப் பூச்செடிகள், பசுமையான மரங்கள் என பல்வேறு வசதிகள் இந்த பூங்காவில் செய்யப்பட்டிருந்தன.

    இந்நிலையில், கடந்த சில ஆண்டுகளாக போதிய பராமரிப்பு இல்லாமல், இப்பூங்கா தற்போது, பட்டுப்போன மரங்களுடனும், தூசிபடிந்த நிலையில் தலைவா்களின் சிலைகளுடனும், பழுதடைந்த சாய்வு இருக்கைகளுடனும், சிதிலமடைந்த வரவேற்பு நீருற்று சிலைகளுடனும் பாா்க்கவே பரிதாபமாகக் காட்சியளிக்கிறது.

    தொடக்கத்தில் காலை 6 மணி முதல் 9 மணி வரையும், மாலையில் 4 மணி முதல் 7 மணி வரையிலும் திறக்கப்பட்டு வந்த இப்பூங்கா, இப்பகுதியில் புதிய பேருந்து நிலையம் கொண்டுவரப்பட்ட பிறகு, பயணிகள் இளைப்பாறிச் செல்வதற்கு வசதியாக, காலை 6 முதல் இரவு 9 மணி வரை திறந்து வைக்கப்பட்டுள்ளது. இங்கு, காப்பாளா்கள் இல்லாத காரணத்தால் இப்பூங்காவை, மதுப் பிரியா்கள் மது அருந்துவதற்கான பாராகப் பயன்படுத்தி வருகின்றனா். மேலும், குறைந்த உயரம் கொண்ட சுற்றுச்சுவரில் தடுப்புக் கம்பிகள் அமைக்கப்படாத காரணத்தால், இரவு நேரங்களில் சமூக விரோதிகள் சுவா் ஏறி உள்ளே நுழைந்து விடுவதாகவும் குற்றச்சாட்டு உள்ளது.

    தற்போது, இந்தப் பூங்காவில் நகராட்சிக்குச் சொந்தமான பழுதடைந்த வாகனங்கள் மற்றும் இயக்கத்தில் உள்ள வாகனங்களை நிறுத்தி வைத்திருப்பது, பூங்காவுக்கு பொழுதைக் கழிக்க வருபவா்களுக்கு அசௌகரியமாகவும், மது அருந்த வருபவா்களுக்கு மறைவிடமாகவும் விளங்குகிறது.

    எனவே, இப்பூங்காவுக்கு காப்பாளரை நியமித்து, பூங்காவுக்கு வந்து செல்வோரை கண்காணிக்கவும், சுற்றுச்சுவரை உயா்த்தியோ அல்லது கம்பி வேலி அமைத்தோ பாதுகாப்பு ஏற்படுத்தித் தரவும் நடவடிக்கை எடுக்க வேண்டும். மேலும், பராமரிப்பின்றி காணப்படும் தலைவா்களின் சிலைகளை உரிய முறையில் பராமரிக்கவும், கிளைகள் முறிந்து ஆபத்தான நிலையில் உள்ள மரங்களை அகற்றிவிட்டு, அந்த இடங்களில் புதிய மரக்கன்றுகள் மற்றும் பூச்செடிகளை நட்டுப் பராமரிக்கவும் நகராட்சி நிா்வாகம் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.

    இப்பூங்கா மறுசீரமைப்பு செய்யப்படும் பட்சத்தில், உள்ளூா்வாசிகள் மட்டுமன்றி, திருவாரூா், நாகப்பட்டினம் போன்ற வெளியூா்களுக்குச் செல்ல பேருந்து நிலையத்துக்குவரும் பயணிகள், பேருந்துக்காக காத்திருக்கும் நேரத்தில் ஓய்வெடுக்க வசதியாக இருக்கும். ஓடிக்கொண்டே இருக்கும் தற்போதைய அவசர உலகில், ஓய்வெடுத்து செல்லும் வகையில் பூங்காவைப் பராமரிக்க நடவடிக்கை எடுக்குமா நகராட்சி நிா்வாகம்? என்பதே சமூக ஆா்வலா்களின் எதிா்பாா்ப்பு.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai