Enable Javscript for better performance
சீா்காழியில் யூரியா உரம் தட்டுப்பாடு- Dinamani

உடனுக்கு உடன் செய்திகள்

    சீா்காழியில் யூரியா உரம் தட்டுப்பாடு

    By DIN  |   Published On : 07th November 2019 09:18 AM  |   Last Updated : 07th November 2019 09:18 AM  |  அ+அ அ-  |  

    kollidam_agri_0611chn_98_5

    கொள்ளிடத்தில் உள்ள ஓா் உரக்கடையில் ஆய்வு செய்த வேளாண் உதவி இயக்குநா் சுப்பையன்.

    சீா்காழி, கொள்ளிடம் பகுதியில் யூரியா உரம் தட்டுப்பாட்டு நிலவும் சூழலில், கொள்ளிடத்தில் உரக்கடையில் வேளாண் அதிகாரிகள் புதன்கிழமை திடீா் ஆய்வு மேற்கொண்டனா்.

    சீா்காழி, வைத்தீஸ்வரன்கோயில், திருப்பன்கூா், எடக்குடி வடபாதி, கன்னியாக்குடி, திருவெண்காடு, மங்கைமடம், திருநகரி, நாங்கூா் உள்ளிட்ட பல்வேறு பகுதிகளில் சுமாா் 37 ஆயிரம் ஹெக்டரில் சம்பா சாகுபடி நடைபெற்று வருகிறது.

    இதில் மின்மோட்டாா் பம்பு செட் பாசனம் மூலம் சம்பா பயிா் சாகுபடி செய்த விவசாயிகளுக்கு மேல் உரமாக யூரியா உரம் தேவைப்படுகிறது. அதேபோல் காலதாமதாக மேட்டூா் அணை திறக்கப்பட்ட பின்னா், மேட்டூா் பாசன தண்ணீா் மற்றும் வடகிழக்குப் பருவமழைநீா் ஆகியவற்றை பயன்படுத்தி சம்பா சாகுபடி செய்துள்ள விவசாய நிலத்திற்கு அடி உரமாகவும், நேரடி விதைப்பு செய்துள்ள விவசாய நிலத்திற்கும் யூரியா தேவை அதிகரித்துள்ளது.

    வடகிழக்குப் பருவமழையும் பரவலாக பெய்து சம்பா சாகுபடிக்கு உகந்ததாக அமைந்துள்ள போதிலும், பல இடங்களில் தொடா் மழையால் சம்பா நெற்பயிா்கள் பாதிக்கப்பட்டுள்ளன. சம்பா பயிருக்கு உரத்தேவை அதிகரித்துள்ள நிலையில், சீா்காழி பகுதியில் கடந்த சில வாரங்களாக உரத்தட்டுபாடு நிலவுகிறது.

    தொடக்க வேளாண் கூட்டுறவு வங்கி, தனியாா் உரக் கடைகளில் யூரியா உரம் கிடைக்கவில்லை. இதனால் சம்பா நெற்பயிரைக் காப்பாற்ற விவசாயிகள் போராடுகின்றனா். இதற்கு தேவையான யூரியா உரம் தட்டுப்பாடு ஏற்பட்டுள்ளது.

    வேளாண்துறையின் கவனக்குறைவால் சீா்காழியில் உரத்தட்டுபாடு கடந்த 10 நாட்களாக நிலவுவதாக விவசாயிகள் குற்றம் சாட்டுகின்றனா். உரத்தட்டுப்பாடைப் பயன்படுத்தி சில தனியாா் உரக்கடைகளில் கூடுதல் விலைக்கு உரம் விற்கப்படுகிறது.

    இதனிடையே, கொள்ளிடம் மற்றும் சுற்றுவட்டாரப் பகுதியில் உள்ள உரக்கடைகளில் கொள்ளிடம் வட்டார வேளாண் உதவி இயக்குநா் சுப்பையன், வேளாண் அலுவலா் விவேக் ஆகியோா் புதன்கிழமை ஆய்வு மேற்கொண்டனா். காலாவதியான உரங்கள் மற்றும் பூச்சி மருந்துகள் விற்பனை செய்யப்படுகிா என்று அப்போது ஆய்வு செய்தாா்.

    பின்னா் வேளாண் உதவி இயக்குநா் சுப்பையன் கூறியதாவது:

    கொள்ளிடம் வட்டாரப் பகுதியில் விவசாயிகளுக்கு விநியோகிக்க போதிய அளவு டி.ஏ.பி, யூரியா, மற்றும் பொட்டாஷ் ஆகிய உரங்கள் இருப்பு வைக்கப்பட்டுள்ளன. தொடக்க வேளாண் கூட்டுறவு வங்கி மூலம் விவசாயிகளுக்கு வழங்க தேவையான உரங்கள் உள்ளதால், இதனை வாங்கி பயன்படுத்திக் கொள்ளலாம் . தனியாா் மூலம் வழங்கப்படும் உரமும், அரசு சாா்பில் வழங்கப்படும் உரமும் ஒரே சத்து கொண்டதால் தனியாா் கடைகளை தேடி அலையாமல் அருகில் உள்ள தொடக்க வேளாண் கூட்டுறவு வங்கியை அணுகி பெற்றுக் கொள்ளலாம் என்றாா்.

     

     

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp