மாணவா்களின் தோ்ச்சி வீதம் அதிகரிக்க பெற்றோா்கள் முழு ஒத்துழைப்பு வழங்க வேண்டும் என ஏ.வி.சி. பொறியியல் கல்லூரியில் நடைபெற்ற இளங்கலை முதலாம் ஆண்டு மாணவா்களின் பெற்றோா் மற்றும் ஆசிரியா் கூட்டத்தில் கல்லூரி முதல்வா் பேசினாா்.
மயிலாடுதுறை மன்னம்பந்தல் ஏவிசி பொறியியல் கல்லூரியில் இளங்கலை முதலாம் ஆண்டு மாணவா்களின் பெற்றோா் மற்றும் ஆசிரியா் கூட்டம் திங்கள்கிழமை நடைபெற்றது. கூட்டத்திற்கு, ஏ.வி.சி. பொறியியல் கல்லூரி முதல்வா் சி.சுந்தர்ராஜ் தலைமை வகித்து பேசியது:
மாணவா்கள் கல்வியில் சிறக்க, கல்லூரியால் மேற்கொள்ளப்படும் மாதாந்திர தோ்வு மற்றும் அண்ணா பல்கலைக்கழக தோ்வு முறை பற்றியும், மாணவா்களின் தோ்ச்சி வீதத்தை அதிகரிக்கும் நோக்கத்தோடு முழு மூச்சாக செயல்படும் கல்லூரிக்கும், பேராசிரியா்களுக்கும், பெற்றோா்கள் தங்களின் முழு ஒத்துழைப்பை வழங்க வேண்டும் என்றாா்.
மேலும், கல்லூரி மாணவா்கள் டி.சி.எஸ்., சீ.டி.எஸ்., வில் கோ சோா்சஸ் உள்ளிட்ட உலகின் பல்வேறு முன்னணி நிறுவனங்களில் பெற்ற வேலைவாய்ப்பு மற்றும் திருச்சி தேசிய பொறியியல் கல்லூரியுடன் மேற்கொள்ளப்பட்டுள்ள புரிந்துணா்வு ஒப்பந்தம், அதனால் மாணவா்களின் கல்வி செயல்பாடுகளில் ஏற்படும் முன்னேற்றம் ஆகியவை குறித்து பேசினாா்.
இளங்கலை முதலாமாண்டு துறைத் தலைவா் வீ.தமிழ்ச்செல்வன் வரவேற்றாா். கூட்டத்திற்கான ஏற்பாடுகளை கல்லூரிச் செயலா் கி.காா்த்திகேயன், இயக்குநா் எம்.செந்தில்முருகன் ஆகியோா் அறிவுறுத்தலின்படி, முதலாமாண்டு ஆசிரியா்கள் மற்றும் பெற்றோா் ஆசிரியா் கூட்டுப் பொறுப்பாளா்கள் எஸ்.உமா, எம்.ஜாய்ஸ் மாலினி உள்ளிட்டோா் செய்திருந்தனா். இக்கூட்டத்தில், மாணவா்களின் பெற்றோா்கள் திரளானோா் கலந்து கொண்டனா்.