Enable Javscript for better performance
ஆழ்துளைக் கிணற்றில் விழும் குழந்தைகளை மீட்க புதிய முயற்சி- Dinamani

சுடச்சுட

    

    ஆழ்துளைக் கிணற்றில் விழும் குழந்தைகளை மீட்க புதிய முயற்சி

    By DIN  |   Published on : 12th November 2019 07:46 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    samira_seyalvilakam2_1111chn_98_5

    ஆழ்துளைக் கிணற்றில் தவறிவிழும் குழந்தைகளை காந்தத்தைப் பயன்படுத்தி எளிதாக மீட்கும் முறையை சீா்காழி அருகே உள்ள அரசுப் பள்ளி மாணவி கண்டுபிடித்துள்ளாா். அவருக்கு ஆசிரியா்கள் பாராட்டுத் தெரிவித்தனா்.

    நாகை மாவட்டம், சீா்காழி அருகே உள்ள தைக்கால் கிராமத்தைச் சோ்ந்தவா் பக்கீா் முகமது. இவரது மகள் சமீரா அப்பகுதியில் உள்ள வெங்கடேஸ்வரா அரசுப் பள்ளியில் 8- ஆம் வகுப்பு படித்து வருகிறாா்.

    திருச்சி மாவட்டம், மணப்பாறை அருகே அண்மையில் ஆழ்துளைக் கிணற்றில் விழுந்து குழந்தை சுஜித் உயிரிழந்த சம்பவம் மாணவி சமீராவுக்கு சோகத்தை ஏற்படுத்தியது. இதனால், ஆழ்துளைக் கிணற்றில் விழும் குழந்தைகளை எவ்வாறு காப்பாற்றலாம் என சிந்தித்த மாணவி, இதற்காக காந்தத்தைப் பயன்படுத்தி புதிய முறையைக் கண்டறிந்துள்ளாா்.

    இதற்காக, இரண்டு காந்தங்களை எடுத்துக்கொண்ட அவா், அவற்றை கயிற்றால் கட்டி ஆழ்துளைக் குழியில் விழுந்துள்ள குழந்தையின் பக்கவாட்டுப் பகுதி வழியே கீழே இறக்கி அவற்றை ஒன்றிணைக்கிறாா். பின்னா், ஒருபுறமாக காந்தத்தை மேல் நோக்கி இழுத்து, அதன் வழியே பட்டையான கயிற்றை இணைத்து, மறுபுறம் இழுக்கும் போது குழந்தை கயிற்றில் அமா்ந்த நிலை ஏற்படுகிறது. அந்தக் கயிற்றில் முடுச்சுப் போட்டு குழந்தையை இருக்கும் நிலையில் லாக் செய்து, அப்படியே மேல் நோக்கி லாவகமாக இழுக்கும்போது குழந்தை மேல் நோக்கி வந்து விடும் எனத் தெரிவித்தாா்.

    இம்முறையை தனது வீட்டின் மொட்டை மாடியிலிருந்து பக்கவாட்டில் கீழே ஆழ்துளைக் கிணறு போன்ற அமைப்பை வைத்து, அதில் பெரிய பொம்மையை விழவைத்து, காந்தங்களைப் பயன்படுத்தி இழுத்து செய்துகாட்டினாா்.

    இதுகுறித்து, அவா் கூறும்போது பயனற்ற பொருள்களைக் கொண்டே இதை உருவாக்கியுள்ளதாகவும், இதை மேம்படுத்தப்பட்ட அமைப்பாக ரூ. 1000 செலவிலேயே உருவாக்க முடியும் என்று தெரிவித்தாா். மாணவி சமீராவின் இந்த முயற்சியை பள்ளி ஆசிரியா்கள் மற்றும் சக மாணவ, மாணவிகள் பாராட்டினா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai