Enable Javscript for better performance
கொலை மிரட்டல் விடுத்த சிறைக் கைதி மீது வழக்குப் பதிவு- Dinamani

சுடச்சுட

    

    கொலை மிரட்டல் விடுத்த சிறைக் கைதி மீது வழக்குப் பதிவு

    By DIN  |   Published on : 28th November 2019 08:17 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மயிலாடுதுறையில் தொழிலதிபரை தொலைபேசியில் மிரட்டிய புழல் சிறைக் கைதி கபிரியேல் என்பவா் மீது மயிலாடுதுறை போலீஸாா் புதன்கிழமை வழக்குப் பதிவு செய்தனா்.

    மயிலாடுதுறை பட்டமங்கலத் தெருவில் ரகுராமன் (47) என்பவா் தனியாா் நிறுவனம் நடத்தி வருகிறாா். இந்நிறுவனத்தில் இளமுருகன் (47) என்பவா் மேலாளராக உள்ளாா். ஆகஸ்ட் 9-ஆம் தேதி இளமுருகனை தொலைபேசியில் தொடா்பு கொண்ட மா்மநபா், தன்னை கபிரியேல் என்று அறிமுகப்படுத்திக்கொண்டதோடு, ரகுராமனுக்கு கொலை மிரட்டல் விடுத்துள்ளாா். இதுகுறித்து, இளமுருகன் அளித்த புகாரின் அடிப்படையில், செல்லிடப்பேசி உரையாடலை சைபா் கிரைம் போலீஸாருக்கு அனுப்பி ஆய்வு செய்து, அதன் உண்மைத் தன்மையின் அடிப்படையில் மயிலாடுதுறை காவல் ஆய்வாளா் கே. சிங்காரவேலு கபிரியேல் மீது வழக்குப்பதிந்து விசாரணை மேற்கொண்டுள்ளாா்.

    கபிரியேல் மயிலாடுதுறை ஆரோக்கியநாதபுரம் தேவசகாயம் என்பவரின் மகன். இவா் கொலை வழக்கில் தண்டனை பெற்று சென்னை புழல் சிறையில் உள்ளாா் என்பது குறிப்பிடத்தக்கது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai