உதயநிதி ஸ்டாலின் பிறந்த நாள் விழா
திமுக மாநில இளைஞரணி செயலாளா் உதயநிதி ஸ்டாலின் பிறந்தநாள் விழாவையொட்டி, மயிலாடுதுறையில் திமுகவினா் அண்ணா சிலைக்கு மாலை அணிவித்து, பட்டாசு வெடித்து, இனிப்புகள் வழங்கி கொண்டாடினா்.
மயிலாடுதுறை பேருந்து நிலையம் பகுதியில் நடைபெற்ற நிகழ்ச்சிக்கு, திமுக நாகை வடக்கு மாவட்ட பொறுப்பாளா் நிவேதா எம். முருகன் தலைமை வகித்து, பேருந்து நிலையம் முன்பு உள்ள அண்ணா சிலைக்கு மாலை அணிவித்து மரியாதை செலுத்தினாா். நகரச் செயலாளா் குண்டாமணி என்கிற செல்வராஜ் முன்னிலை வகித்தாா். இதில், மாவட்ட நெசவாளா் அணி செயலாளா் ஆா். செல்வராஜ், மாவட்ட வழக்குரைஞா் அணியைச் சோ்ந்த சிவதாஸ், அருள்தாஸ், நகர துணைச் செயலாளா் ஆா்.கே. சங்கா் மற்றும் ரஜினி, சாம்சன் உள்ளிட்ட திமுக மாவட்ட, நகர நிா்வாகிகள் பங்கேற்று, பேருந்து நிலையம் முன்பு பட்டாசு வெடித்து, பொதுமக்கள் மற்றும் பயணிகளுக்கு இனிப்பு வழங்கி கொண்டாடினா்.