காலிப் பணியிடங்களை நிரப்பக் கோரி சத்துணவு ஊழியா்கள் ஆா்ப்பாட்டம்

காலிப் பணியிடங்களை நிரப்ப வேண்டும் உள்ளிட்ட 20 அம்ச கோரிக்கைகளை வலியுறுத்தி, கீழ்வேளூரில் சத்துணவு ஊழியா்கள் புதன்கிழமை கவன ஈா்ப்பு ஆா்ப்பாட்டத்தில் ஈடுபட்டனா்.

சத்துணவு ஊழியா்களுக்கு வரையறுக்கப்பட்ட ஊதியம் வழங்க வேண்டும். ஓய்வுபெறும் சத்துணவு ஊழியா்களுக்குப் பணிக்கொடையாகக் குறைந்தபட்சம் ரூ. 5 லட்சம் வழங்க வேண்டும். குடும்பப் பாதுகாப்புடன் கூடிய ஓய்வூதியம் குறைந்தபட்சம் ரூ. 9ஆயிரம் வழங்க வேண்டும். மாணவா்களுக்கு உணவு செலவினத்துக்கு ரூ. 5 உயா்த்தி வழங்கவேண்டும். எரிவாயு உருளை வழங்க வேண்டும். காலிப் பணியிடங்களை உடனடியாக நிரப்ப வேண்டும் உள்ளிட்ட 20 அம்ச கோரிக்கைகளை வலியுறுத்தி இந்தக் கவன ஈா்ப்பு ஆா்ப்பாட்டம் நடைபெற்றது.

கீழ்வேளூா் ஊராட்சி ஒன்றிய அலுவலகம் முன்பாக நடைபெற்ற இந்த ஆா்ப்பாட்டத்துக்கு சங்க ஒன்றிய இணைச் செயலாளா் எஸ். ஞானசேகா் தலைமை வகித்தாா். செயலாளா் எஸ். முருகையன், மாவட்ட துணைத் தலைவா் என். புகழேந்தி, மாவட்ட இணைச் செயலாளா் கே .பாலாம்பாள், ஆகியோா் கோரிக்கைகளை விளக்கிப் பேசினா். பாலசுப்பிரமணியன், லல்லி பாலகிருஷ்ணன், செந்தாமரை உள்ளிட்ட பலா் கலந்துகொண்டனா். சி. வேம்பு நன்றி கூறினாா்.