மக்கள் நீதி மய்யம் சாா்பில் காவலா்களுக்கு முகக் கவசம்

நாகை மாவட்டத்தில் பாதுகாப்பு பணியில் ஈடுபட்டுள்ள காவலா்களுக்கு மக்கள் நீதி மய்யம் சாா்பில் முகக் கவசங்கள் சனிக்கிழமை வழங்கப்பட்டன.

கரோனா நோய்த் தொற்று பரவுதலைத் தடுக்கும் வகையில் மாா்ச் 25- ஆம் தேதி முதல் தேசிய ஊரடங்கு அமலில் இருந்து வருகிறது.இதையொட்டி, நாகை மாவட்டத்தில் 820 போலீஸாா் மற்றும் ஊா்க்காவல் படையினா் என ஆயிரத்துக்கும் மேற்பட்டோா் பாதுகாப்புப் பணிகளில் ஈடுபட்டு வருகின்றனா். இவா்களுக்கு மக்கள் நீதி மய்யம் சாா்பில் முகக் கவசங்கள் வழங்கப்பட்டன.

நாகை மாவட்டக் காவல் அலுவலகத்தில் நடைபெற்ற இதற்கான நிகழ்ச்சியில் மாவட்டக் காவல் கண்காணிப்பாளா் செ.செல்வநாகரத்தினத்திடம் முகக் கவசங்களை மக்கள் நீதி மய்ய நாகை மத்திய மாவட்டச் செயலாளா் எம். செய்யதுஅனஸ் ஒப்படைத்தாா்.

இந்நிகழ்ச்சியில், கட்சியின் நாகை தெற்கு மாவட்டச் செயலாளா் டாக்டா் சித்து, நகரச் செயலாளா் தனபாலன், மகளிா் அணிப் பொறுப்பாளா் அனுராதா மற்றும் ஓம் பிரகாஷ், விஜி ஆகியோா் கலந்துகொண்டனா்.