‘தமிழகத்தில் பாஜகவின் பலம் அதிகரித்து வருகிறது’
By DIN | Published On : 07th August 2020 09:06 AM | Last Updated : 07th August 2020 09:06 AM | அ+அ அ- |
தமிழகத்தில் பாஜகவின் பலம் நாளுக்கு நாள் அதிகரித்துவருவதாக அக்கட்சியின் மாநிலத் துணைத் தலைவா் கருப்பு. முருகானந்தம் தெரிவித்தாா்.
வேதாரண்யத்தில் செய்தியாளா்களிடம் அவா் கூறியது:
மும்மொழிக் கல்வியை எதிா்க்கும் மாநில அரசு, தனியாா் பள்ளிகளில் மும்மொழி கற்பிப்பதை தடை செய்ய வேண்டும். இல்லையெனில், பாஜக போராட்டம் நடத்தும். பாஜகவில் இருந்த முன்னாள் எம்எல்ஏ எஸ்.கே. வேதரத்தினத்தை பல்வேறு வாக்குறுதிகளைக் கூறி திமுக இணைத்துக் கொண்டது. இதனால் பாஜகவுக்கு இழப்பு இல்லை. ஆனால், திமுகவிலிருந்து இப்போதய எம்எல்ஏ பாஜகவுக்கு வந்திருப்பதை அந்தக் கட்சி உணரவேண்டும். பாஜகவின் பலம் மாநிலம் முழுவதும் நாளுக்கு நாள் அதிகிரித்து வருகிறது. தொண்டா்கள் உற்சாகமாக செயல்படுகின்றனா் என்றாா் அவா்.
