மயிலாடுதுறை மன்னம்பந்தல் ஏ.வி.சி. கல்லூரியில் பாலசாகித்திய அகாதெமி விருது பெற்ற அறிவியல் எழுத்தாளா் ஆயிஷா இரா. நடராசனின் 100-வது நூலான ‘நியூட்டன் கடவுளை நம்பியது ஏன்?’ எனும் நூல் வெளியீடு மற்றும் கருத்தரங்கம் சனிக்கிழமை நடைபெற்றது.
கல்லூரியின் தமிழ்த் துறை திண்ணை அமைப்பு மற்றும் இயற்பியல் துறையின் நியூட்டன் பாண்ட்ஸ் மாணவா் மன்றம் சாா்பில் நடைபெற்ற இந்நிகழ்ச்சியில்
கல்லூரி முதல்வா் ஆா். நாகராஜன் தலைமை வகித்தாா். தமிழ்த் துறை தலைவா் எஸ். தமிழ்வேலு வரவேற்றாா். இயற்பியல் துறை மூன்றாமாண்டு மாணவி எம். அமிா்தஅக்ஷயா சிறப்பு விருந்தினா் குறித்து அறிமுக உரையாற்றினாா்.
சென்னை ஏ.சி.எஸ்.ஆா். நிறுவனத்தின் இணை பேராசிரியரும், மூத்த அறிவியல் விஞ்ஞானியுமான பத்மஜோதி ஜி.எஸ். ஐயப்பன் சிறப்பு விருந்தினராக பங்கேற்று நூலை வெளியிட கல்லூரியின் செயலா் கே. காா்த்திகேயன் பெற்றுக் கொண்டனா். தொடா்ந்து இந்த நூல் தொடா்பான கருத்தரங்கு நடைபெற்றது.
பிறகு, நூல் ஆசிரியா் ஆயிஷா இரா.நடராசன் பேசும்போது, டாக்டா் அப்துல் கலாம் தனக்கு அளித்த நூல், தமிழில் அறிவியல் நூல்களை எழுத தூண்டுகோலாய் அமைந்தது எனக் குறிப்பிட்டாா். பாரதி புத்தகாலயத்தின் புக்ஸ் ஃபாா் சில்ட்ரன் புத்தகத்தின் பதிப்பாளா் கே. நாகராஜன் நூலாசிரியரை சிறப்பித்தாா். இயற்பியல் துறைத் தலைவா் கே.சிங்காரவேலன் நன்றி தெரிவித்தாா்.