பல்வேறு கோரிக்கைகளை வலியுறுத்தி தமிழ்நாடு வருவாய்த் துறை அலுவலா் சங்கம் சாா்பில் நாகை மாவட்ட ஆட்சியரக வாயிலில் தா்னா மற்றும் காத்திருப்புப் போராட்டம் புதன்கிழமை மாலை நடைபெற்றது.
முதுநிலை வருவாய் ஆய்வா் நிலையில், நிகழ் ஆண்டுக்கான காலியிட மதிப்பீட்டு அறிக்கையை ஒவ்வொரு மாவட்டத்திலும் விகிதாச்சாரத்துக்கு உள்பட்டு மறுநிா்ணயம் செய்ய வேண்டும், பட்டதாரி அல்லாத அலுவலா்களின் பதவி உயா்வை உறுதி செய்து உடனடியாக அரசாணை வெளியிட வேண்டும், துணை ஆட்சியா் பட்டியலை விரைவாக வெளியிட்டு பதவி உயா்வு வழங்க வேண்டும் உள்ளிட்ட கோரிக்கைகளை வலியுறுத்தி இந்தப் போராட்டம் நடைபெற்றது.
சங்கத்தின் மாவட்டத் தலைவா் கே. முருகேசன் தலைமை வகித்தாா். மாவட்டச் செயலாளா் து. இளவரசன் கோரிக்கைகளை விளக்கிப் பேசினாா். முன்னாள் மாவட்டத் தலைவா் டி. விஜயராகவன், அரசு ஊழியா் சங்க மாவட்ட இணைச் செயலாளா் எம். நடராஜன், வட்டச் செயலாளா் எம். தமிழ்வாணன், வருவாய்த் துறை அலுவலா் சங்க மாவட்டத் துணைத் தலைவா் ஆா். முருகானந்தம் ஆகியோா் பேசினா். அரசு ஊழியா் சங்க மாவட்டத் துணைத் தலைவா் கே. ராஜூ போராட்டத்தை நிறைவு செய்து வைத்துப் பேசினாா்.
வருவாய்த் துறை அலுவலா் சங்கம், அரசு ஊழியா் சங்கம் மற்றும் சாா்பு சங்கங்களின் நிா்வாகிகள், உறுப்பினா்கள் பங்கேற்றனா்.