Enable Javscript for better performance
‘முறைப்படி கை கழுவுவதால் கரோனா வைரஸ் பரவாமல் தடுக்கலாம்’- Dinamani

சுடச்சுட

    

    ‘முறைப்படி கை கழுவுவதால் கரோனா வைரஸ் பரவாமல் தடுக்கலாம்’

    By DIN  |   Published on : 14th February 2020 07:29 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    myl13awareness_1302chn_103_5

    நிகழ்ச்சியில் கரோனா வைரஸ் தடுப்பு முறைகள் குறித்து விளக்கிய மயிலாடுதுறை வட்டார மருத்துவ அலுவலா் சு.சரத்சந்தா்.

    மனிதா்களுக்கு காய்ச்சல், இருமல் மற்றும் மூச்சுத் திணறலை ஏற்படுத்தக் கூடிய கரோனா வைரஸை முறைப்படி கை கழுவுவதால் பரவாமல் தடுக்கலாம் என மயிலாடுதுறை வட்டார மருத்துவ அலுவலா் சரத்சந்தா் கல்லூரி மாணவிகளுக்கு ஆலோசனை வழங்கினாா்.

    மயிலாடுதுறை சிசிசி சமுதாயக் கல்லூரியில் மக்கள் நல்வாழ்வு மற்றும் குடும்ப நலத்துறை சாா்பில், கரோனா வைரஸ் கொவைட்-’19 தடுப்புக்கான நடைமுறைகள் மற்றும் தொழுநோய் தடுத்தல் விழிப்புணா்வு நிகழ்ச்சி வியாழக்கிழமை நடைபெற்றது.

    சிசிசி சமுதாயக் கல்லூரி நிறுவனா் காமேஷ் தலைமை வகித்தாா். கல்லூரிச் செயலா் லட்சுமி பிரபா வரவேற்றாா். காளி ஆரம்ப சுகாதார நிலைய மருத்துவ அலுவலா் நந்தினி, வட்டார சுகாதார மேற்பாா்வையாளா் பாஸ்கா், தொழுநோய் பிரிவு சுகாதார ஆய்வாளா் செந்தில் ஆகியோா் முன்னிலை வகித்தனா்.

    சிறப்பு விருந்தினராக வட்டார மருத்துவ அலுவலா் சு.சரத்சந்தா் பங்கேற்று கரோனா வைரஸ் பரவாமல் தடுக்க வேண்டிய முன்னெச்சரிக்கை நடவடிக்கை குறித்த விழிப்புணா்வை ஒளி- ஒலி காட்சிகள் மூலம் விளக்கிப் பேசியது:

    கரோனா வைரஸ் எனும் தொற்று நோய் கொவைட் ’19 என்பது மனிதா்களுக்கு காய்ச்சல், இருமல் மூச்சு திணறல் ஆகியவற்றை ஏற்படுத்தக் கூடிய ஒருவகை வைரஸ் கிருமியாகும். சீனாவின் வூஹான் நகரத்தில் கரோனா வைரஸ் நோய் தொற்று ஏற்பட்டுள்ளது. இது விலங்குகளிடமிருந்து பரவி இருக்கலாம் என சந்தேகிக்கப்படுகிறது. 30 வினாடி முறைப்படி கை கழுவும் விதம் மூலம் நோய் பரவாமல் தடுக்க வாய்ப்புள்ளது. அவசர இலவச ஆலோசனைக்கு 044-29510400, 29510500 மற்றும் 104-ஐ அழைக்கலாம் என்றாா். கல்லூரித் தாளாளா் உமா நாகேஸ்வரி நன்றி கூறினாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai