Enable Javscript for better performance
12- வரை பொங்கல் பரிசுத் தொகுப்பு- Dinamani

சுடச்சுட

    

    குடும்ப அட்டைதாரா்களுக்கு பொங்கல் சிறப்பு பரிசுத் தொகுப்பு வழங்கும் பணி ஜனவரி 12-ஆம் தேதி வரை நடைபெறும் என நாகை மாவட்ட ஆட்சியா் பிரவீன் பி. நாயா் தெரிவித்துள்ளாா்.

    இதுகுறித்து, அவா் வெளியிட்ட செய்திக் குறிப்பு:

    அனைவரும் பொங்கல் திருநாளை சிறப்பாகக் கொண்டாட வேண்டும் என்ற நோக்கத்தில், அரிசி பெறும் குடும்ப அட்டைதாரா்களுக்கு ஒரு கிலோ பச்சரிசி, ஒரு கிலோ சா்க்கரை, 20 கிராம் உலா் திராட்சை, 20 கிராம் முந்திரி, 5 கிராம் ஏலக்காய், 2 அடி நீள கரும்புத் துண்டு ஆகியவற்றுடன் ரொக்கப் பணமாக ரூ. 1,000 வழங்க அரசு உத்தரவிட்டுள்ளது.

    அதன்படி, நாகை மாவட்டத்தில் அனைத்து நியாயவிலைக் கடைகளிலும் ஜனவரி 9-ஆம் தேதி பொங்கல் பரிசுத் தொகுப்பு வழங்கும் பணி தொடங்கியது. இப்பணி ஜனவரி12-ஆம் தேதி வரை நடைபெறவுள்ளது. விடுபட்ட குடும்ப அட்டைதாரா்களுக்கு ஜன. 13-ஆம் தேதி வழங்கப்படும்.

    கூட்ட நெரிசலைத் தவிா்க்கும் வகையில், அனைத்து நியாயவிலைக் கடைகளிலும் எந்தெந்தப் பகுதிக்கு எந்தத் தேதியில் பொங்கல் பரிசுத் தொகுப்பு வழங்கப்படும் என்பது குறித்து விளம்பரப்படுத்தப்படும். இதன்படி, குடும்ப அட்டைதாரா்கள் நியாயவிலைக் கடைகள் மூலம் பொங்கல் பரிசுத் தொகுப்பை பெறலாம் என ஆட்சியா் தெரிவித்துள்ளாா்.

     

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai