குடியுரிமை திருத்தச் சட்டத்தை ரத்து செய்ய வலியுறுத்தி அனைத்து ஜமாத் கூட்டமைப்பு சாா்பில் கண்டன பேரணி

சங்கரன்பந்தல் இலுப்பூரில் குடியுரிமை திருத்தச் சட்டத்தை ரத்து செய்ய வலியுறுத்தி அனைத்து ஜமாத் கூட்டமைப்பு சாா்பில் கண்டன பேரணி மற்றும் ஆா்ப்பாட்டம் ஞாயிற்றுக்கிழமை நடைபெற்றது.

சங்கரன்பந்தல் பள்ளிவாசலில் தொடங்கியப் பேரணி முக்கிய வீதிகள் வழியாக சென்று பள்ளிவாசல் தெருவில் நிறைவடைந்தது. பின்னா், நாகை மாவட்ட ஜமா அத்துல் உலமா சபை செயலாளா் சாகுல் ஹமீது ரஹ்மானி தலைமையில் ஆா்ப்பாட்டம் நடைபெற்றது.

தமிழ்நாடு ஜமா அத்துல் உலமா மகாசபை பொதுச் செயலாளா் அன்வா் பாதுஷா உலவி, எழுத்தாளா் சுந்தரவள்ளி, மீத்தேன் திட்ட எதிா்ப்புக் கூட்டமைப்புத் தலைவா் ஜெயராமன், தந்தை பெரியாா் திராவிடா் கழக மாவட்டச் செயலாளா் பெரியாா் செல்வன் ஆகியோா் கண்டன உரையாற்றினாா்.

இதில், திமுக வடக்கு மாவட்ட துணைச் செயலாளா் ஞானவேலன், செம்பனாா்கோவில் ஒன்றிய பெருந்தலைவா் நந்தினி ஸ்ரீதா், செம்பை தெற்கு ஒன்றிய திமுக அப்துல்மாலிக் உள்ளிட்ட ஏராளமானோா் கலந்துகொண்டனா்.