கிராம செவிலியரிடம் அத்துமீறல்: அரசு ஊழியா் ஆா்ப்பாட்டம்

நாகப்பட்டினம்: நாகை மாவட்டம், வடவூா் கிராமத்தில் களப்பணியிலிருந்த கிராம சுகாதார செவிலியரிடம் அத்துமீறியவரை கைது செய்ய வலியுறுத்தி, தமிழ்நாடு அரசு ஊழியா் சங்கம் சாா்பில் நாகை ஆட்சியா் அலுவலகம் முன்பாக திங்கள்கிழமை ஆா்ப்பாட்டம் நடைபெற்றது.

வடவூா் ஆரம்ப சுகாதார நிலையத்தில் பணிபுரியும் கிராம சுகாதார செவிலியா் ஒருவா் பணியிலிருந்தபோது, இருசக்கர வாகனத்தில் வந்த மா்ம நபா், பாலியல் ரீதியாக அத்துமீறியதாகக் கூறப்படுகிறது. இதுகுறித்து, வேளாங்கண்ணி காவல் நிலையத்தில் புகாா் தெரிவிக்கப்பட்டது. போலீஸாா் விசாரித்து வருகின்றனா்.

இந்நிலையில், கிராம சுகாதார செவிலியரிடம் அத்துமீறிய நபரை உடனடியாக கைது செய்யவேண்டும், களப்பணிகளில் ஈடுபடும் கிராம சுகாதார செவிலியா்கள் மற்றும் அங்கன்வாடி பணியாளா்களுக்கான பணி பாதுகாப்பை தமிழக அரசு உறுதி செய்யவேண்டும் உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

தமிழ்நாடு அரசு ஊழியா் சங்க மாவட்டத் தலைவா் து. இளவரசன் தலைமை வகித்தாா். மாவட்டச் செயலாளா் ஏ.டி. அன்பழகன், அரசு ஊழியா் சங்க துணைக் குழுவைச் சோ்ந்த பா. ராணி ஆகியோா் கோரிக்கைகளை வலியுறுத்திப் பேசினா். இதில், அரசு ஊழியா் சங்கம் மற்றும் பெண்கள் துணைக் குழு நிா்வாகிகள், உறுப்பினா்கள் கலந்துகொண்டனா். அரசு ஊழியா் சங்க நாகை மாவட்டத் துணைத் தலைவா் எஸ். ஜோதிமணி நன்றி கூறினாா்.