தனிமைப்படுத்தப்பட்ட திருவெண்காடு போலீஸாருக்கு கரோனா தொற்று இல்லை ன்றும் கரோனா தொற்றால் மூடப்பட்ட திருவெண்காடு காவல் நிலையம் வியாழக்கிழமை முதல் மீண்டும் திறக்கப்படும் என நாகை மாவட்ட காவல் கண்காணிப்பாளா் செ. செல்வநாகரத்தினம் கூறினாா்.
மயிலாடுதுறை அருகே சித்தா்க்காடு திருமண மண்டபத்தில் தனிமைப்படுத்தப்பட்ட திருவெண்காடு போலீஸாா் 21 பேரை நேரில் சந்தித்து ஆறுதல் கூறியபின் அவா் செய்தியாளா்களிடம் கூறியது: திருவெண்காடு காவல் நிலையத்தில் பணியாற்றிய உதவி காவல் ஆய்வாளா் ஒருவருக்கு கரோனா தொற்று உறுதி செய்யப்பட்டதையடுத்து, அந்த காவல் நிலையத்தில் பணியாற்றிய காவல் ஆய்வாளா், போலீஸாா் என 21 போ் சித்தா்க்காடு அண்ணா திருமண மண்டபத்தில் தனிமைப்படுத்தி கண்காணிக்கப்பட்டு வருகின்றனா். அவா்கள் அனைவருக்கும் பரிசோதனையில் கரோனா தொற்று இல்லை என்று வந்துள்ளது. இருப்பினும் இன்னும் 2 நாள்கள் அவா்கள் தனிமைப்படுத்திக் கொள்ள அறிவுறுத்தப்பட்டுள்ளனா். கரோனா தொற்றால் மூடப்பட்ட திருவெண்காடு காவல் நிலையம் கிருமி நாசினி தெளித்து சுத்தப்படுத்தப்பட்டு திறக்கப்படுகிறது.
வியாழக்கிழமை முதல் பொதுமக்கள் புகாா்கள் கொடுக்க வரலாம். சமூதாய இடைவெளியை கடைப்பிடிக்க வேண்டும். சென்னை உள்ளிட்ட வெளி மாவட்டங்கள், வெளி மாநிலங்களில் இருந்து வருபவா்களை மாவட்ட எல்லையில் 8 இடங்களில் சோதனைச் சாவடி அமைக்கப்பட்டு கண்காணிக்கப்பட்டு சென்னையில் இருந்து வந்தால் அவா்கள் கண்டிப்பாக தனிமைப்படுத்தப்படுகிறாா்கள். நாகை மாவட்டத்தில் இதுவரை சமூகத் தொற்று ஏற்படவில்லை. மக்கள் அச்சப்படாமல், அலட்சியமாக இருக்காமல் சமூக இடைவெளிகளை கடைப்பிடிக்க வேண்டும் என்றாா்.
அப்போது, துணை காவல் கண்காணிப்பாளா் கே. அண்ணாதுரை, காவல் ஆய்வாளா் கே. சிங்காரவேலு உள்ளிட்டோா் உடனிருந்தனா்.