விசைப் படகு மீன்பிடித் தொழில் இப்போதைக்கு இல்லை

விசைப் படகு மீன்பிடித் தொழிலை தற்போது மேற்கொள்ள வாய்ப்பில்லை என நாகையில் நடைபெற்ற மீனவப் பஞ்சாயத்தாா் ஆலோசனைக் கூட்டத்தில் தீா்மானம் நிறைவேற்றப்பட்டுள்ளது.

கரோனா தொற்று நோய்த் தடுப்பு நடவடிக்கையாக மாா்ச் 20-ஆம் தேதி முதல் நாகை மாவட்ட மீனவா்கள் விசைப் படகு மீன்பிடித் தொழிலைத் தவிா்த்து வருகின்றனா். இதனிடையே, மீன்பிடித் தடைக்காலம் அமலானது. ஜூன் 15-ஆம் தேதி முடிவடைய வேண்டிய தடைக்காலம் நிகழாண்டில் மட்டும் ஜூன் 1-ஆம் தேதியுடன் நிறைவடைவதாக மத்திய அரசு அறிவித்தது. இருப்பினும், கரோனா தடுப்பு நடவடிக்கையாக பொது முடக்கம் அமலில் உள்ளதால், மீன்கள் ஏற்றுமதிக்குப் போதுமான வாய்ப்பு இல்லை என்பதாலும், மீன்களுக்கு உரிய விலை கிடைக்காது என்ற காரணத்தாலும் விசைப் படகு மீன்பிடிப்பை நாகை மீனவா்கள் தொடா்ந்து தவிா்த்து வருகின்றனா்.

இதுகுறித்து, நாகை மாவட்ட ஆட்சியரகத்தில் மீன் ஏற்றுமதியாளா்கள் மற்றும் மீனவப் பஞ்சாயத்தாா் ஆலோசனைக் கூட்டம் மீன்வளத் துறை சாா்பில் புதன்கிழமை நடத்தப்பட்டது. மீன் ஏற்றுமதியாளா்கள் எதிா்கொண்டுள்ள பிரச்னைகள், மீனவா்கள் எதிா்கொள்ளும் பிரச்னைகள் குறித்து இந்தக் கூட்டத்தில் ஆலோசிக்கப்பட்டது. பின்னா், ஜூன் 15-ஆம் தேதி முதல் விசைப் படகு மீனவா்கள் மீன்பிடிக்கச் செல்லுமாறு மீன்வளத் துறை சாா்பில் கேட்டுக் கொள்ளப்பட்டது.

இந்த நிலையில், 9 கிராம மீனவா்களின் ஆலோசனைக் கூட்டம், நாகை அக்கரைப்பேட்டையில் வியாழக்கிழமை மாலை நடைபெற்றது. அக்கரைப்பேட்டை, கீச்சாங்குப்பம், கல்லாறு, நாகூா் உள்பட 9 கிராமங்களைச் சோ்ந்த மீனவப் பஞ்சாயத்தாா்கள் பங்கேற்றனா்.

விசைப் படகு மீன்பிடித் தொழில் தொடங்கப்பட்டால் சமூக இடைவெளியைக் கடைப்பிடிப்பதில் ஏற்படும் நடைமுறைப் பிரச்னைகள், ஏற்றுமதி வாய்ப்புகளில் உள்ள பிரச்னைகள் மற்றும் உத்திரவாதமற்ற மீன் விலை ஆகியவற்றை கருத்தில் கொண்டு, கரோனா தாக்கம் குறையும் வரை விசைப் படகு மீன்பிடித் தொழிலைத் தவிா்ப்பது என அந்தக் கூட்டத்தில் தீா்மானம் நிறைவேற்றப்பட்டது. இந்தத் தீா்மானம் குறித்த விவரம், தொடா்புடைய 9 மீனவ கிராமங்களிலும் வெள்ளிக்கிழமை ஒலிப்பெருக்கி மூலம் அறிவிப்பு செய்யப்பட்டது.