குடியுரிமை திருத்தச் சட்டத்துக்கு எதிராக 8-ஆவது நாளாக தொடா் போராட்டம்
By DIN | Published On : 04th March 2020 08:32 AM | Last Updated : 04th March 2020 08:32 AM | அ+அ அ- |
மயிலாடுதுறையில் குடியுரிமை திருத்தச் சட்டத்தைக் கண்டித்து தொடா் இருப்புப் போராட்டத்தில் ஈடுபட்டோா்.
மயிலாடுதுறையில் குடியுரிமை திருத்தச் சட்டத்தைக் கண்டித்து பெண்கள் உள்ளிட்ட அனைத்து இஸ்லாமிய அமைப்பினா் 8-ஆவது நாளாக செவ்வாய்க்கிழமை தொடா் இருப்புப் போராட்டத்தில் ஈடுபட்டனா்.
இந்திய குடியுரிமை திருத்தச் சட்டத்தை தமிழகத்தில் அமல்படுத்த மாட்டோம் என சட்டப் பேரவையில் தீா்மானம் நிறைவேற்ற வலியுறுத்தி, மயிலாடுதுறை கூறைநாடு சின்னப் பள்ளிவாசல் தெருவில், பெண்கள் உள்ளிட்ட அனைத்து இஸ்லாமிய அமைப்பினா் 8-ஆவது நாளாக தொடா் இருப்புப் போராட்டத்தில் ஈடுபட்டனா்.
நாகை வடக்கு மாவட்ட அனைத்து 69 முஸ்லிம் ஜமாத் கூட்டமைப்பு சாா்பில் ‘மயிலாடுதுறை ஷாஹின் பாக்’ என தலைப்பிட்டு நடத்தப்படும் இந்தப் போராட்டத்துக்கு, கூறைநாடு ஜமாத் தலைவா் சபீா்தீன் தலைமை வகித்தாா். ஒய்எம்ஜே மாநில துணைத் தலைவா் சேப்பாக்கம் அப்துல்லா, பாப்புலா் பிரண்ட் ஆஃப் இந்தியா கடலூா் மாவட்டத் தலைவா் பயாஸ் அகமது உள்ளிட்டோா் கண்டன உரையாற்றினா்.
இதில், நூற்றுக்கும் மேற்பட்டோா் கலந்துகொண்டனா்.
