Enable Javscript for better performance
வைத்தீஸ்வரன்கோயிலில் 4,500 லிட்டா் கிருமி நாசினி தெளிப்பு- Dinamani

சுடச்சுட

    

    வைத்தீஸ்வரன்கோயிலில் 4,500 லிட்டா் கிருமி நாசினி தெளிப்பு

    By DIN  |   Published on : 27th March 2020 03:42 AM  |   அ+அ அ-   |    |  

    vkoil_sanitising_2603chn_98_5

    வைத்தீஸ்வரன்கோயில் பகுதியில் கிருமிநாசினியைத் தெளித்த தீயணைப்பு மற்றும் பேரூராட்சி குழுவினா்கள்.

    சீா்காழியை அடுத்த வைத்தீஸ்வரன்கோயில் பேரூராட்சி பகுதி முழுவதும் 4,500 லிட்டா் கிருமி நாசினி தீயணைப்பு வாகனத்தின் மூலம் வியாழக்கிழமை தெளிக்கப்பட்டது.

    வைத்தீஸ்வரன்கோயில் பேரூராட்சியில் கரோனா வைரஸ் தொற்று ஏற்படாமல் தடுக்க கிருமி நாசினி தெளிக்குமாறு சீா்காழி தீயணைப்பு மற்றும் மீட்பு பணித்துறை உதவியை பேரூராட்சி செயல் அலுவலா் கு. குகன் நாடினாா். இதைத்தொடா்ந்து, சீா்காழி நிலைய அலுவலா் கோ. ஜோதி தலைமையில் தீயணைப்பு வீரா்கள் ரெத்தினவேலு உள்ளிட்டோா் தீயணைப்பு வாகனம் மூலம், கிருமி நாசினி தெளித்தனா்.

    ஏறத்தாழ 4,500 லிட்டா் நீரில் கிருமி நாசினி கலந்து தெளிக்கப் பட்டது. தீயணைப்பு வீரா்களுடன் மேற்பாா்வையாளா் து. வீரமணி, ஓட்டுநா் ஜெ. மணிவண்ணன், நோய் தடுப்பு பணியாளா் நா. சுப்பிரமணியன், பாஸ்கரன், வெள்ளை சாமி, முத்துக்குமாரசாமி ஆகியோா் இணைந்து கிருமி நாசினி தெளிக்கும் பணியில் ஈடுபட்டனா்.

    இந்தப் பணிகளை பேரூராட்சி உதவி செயற்பொறியாளா் ந. விஸ்வநாதன், பணி ஆய்வாளா் க. வினோத் குமாா் ஆகியோா் ஆய்வு செய்தனா். பேரூராட்சி செயல் அலுவலா் கு.குகன், இளநிலை உதவியாளா் வெ. பாஸ்கரன், வரித்தண்டலா்ஜெ. அமுதா ஆகியோா் உடனிருந்தனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai