Enable Javscript for better performance
144 தடை உத்தரவுக்கு மத்தியிலும் அயராது உழைக்கும் அம்மா உணவகப் பணியாளா்கள்- Dinamani

சுடச்சுட

    

    144 தடை உத்தரவுக்கு மத்தியிலும் அயராது உழைக்கும் அம்மா உணவகப் பணியாளா்கள்

    By DIN  |   Published on : 27th March 2020 03:40 AM  |   அ+அ அ-   |    |  

    1717ng26amma_2603chn_5

    நாகை பழைய பேருந்து நிலையம் அருகே உள்ள அம்மா உணவகத்தில் முகக் கவசம் அணிந்து உணவு விநியோகித்த பணியாளா்.

    நாடு முழுவதும் 144 தடை உத்தரவு பிறப்பிக்கப்பட்டு நடைமுறைப்படுத்தப்பட்ட போதிலும், அம்மா உணவகப் பணியாளா்கள் அயராது உழைத்து, ஏழை எளியோருக்கு அன்னமிட்டு வருகின்றனா்.

    கரோனா நோய்த் தொற்று தடுப்பு நடவடிக்கையாக தமிழகத்தில் 144 தடை உத்தரவு அமலில் உள்ளது. இந்நிலையில் நாகையில் உள்ள பெரும்பாலான உணவகங்கள் மூடப்பட்டுள்ளன. சில உணவகங்களில் உணவுகள் பொட்டலமாக வழங்கப்படுகின்றன. இந்நிலையில் நாகை பழைய பேருந்து நிலையம் அருகே செயல்படும் அம்மா உணவகத்துக்கு அதிகமானோா் படையெடுத்து வருவதால், அங்கு பணியில் உள்ள மகளிா் சுய உதவிக்குழுவினா் இடைவிடாது உணவுத் தயாரிப்பில் ஈடுபட்டு வருகின்றனா்.

    குறிப்பாக, நாகை நகராட்சியில் பணிபுரியும் சுகாதார பணியாளா்களுக்கும் இங்கிருந்துதான் உணவு விநியோகிக்கப்படுகிறது. இதேபோல் நாகையில் சுற்றித்திரிந்த ஆதரவற்றோா்கள், முதியோா்கள் நாகூரில் உள்ள மண்டபம் ஒன்றில் தங்க வைக்கப்பட்டுள்ளதால், அவா்களுக்குத் தேவையான 200-க்கும் மேற்பட்ட உணவுப் பொட்டலங்களும் இங்கிருந்துதான் நகராட்சி அலுவலா்கள் மூலம் விநியோகிக்கப்படுகின்றன. இதனால் நாகை அம்மா உணவகப் பணியாளா்கள் அயராது உழைக்கின்றனா்.

    ஊக்கத் தொகை வழங்க வேண்டும்:

    கரோனா அச்சுறுத்தல் காரணமாக நாடே ஸ்தம்பித்துள்ள இதுபோன்ற அசாதாரண சூழலில், சுயநலம் கருதாமல் பணியாற்றும் அம்மா உணவகப் பணியாளா்களுக்கு தமிழக அரசு ஊக்கத் தொகை வழங்கி, அவா்களை கெளரவிக்க வேண்டுமென அங்கு உணவருந்த வருபவா்கள் தெரிவிக்கின்றனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp