Enable Javscript for better performance
நாடு முழுவதும் ஒரே நதிநீா் கொள்கையைக் கொண்டுவர மத்திய அரசு தயங்குவது ஏன்?- Dinamani

சுடச்சுட

    

    நாடு முழுவதும் ஒரே நதிநீா் கொள்கையைக் கொண்டுவர மத்திய அரசு தயங்குவது ஏன்?

    By DIN  |   Published on : 21st May 2020 09:07 AM  |   அ+அ அ-   |    |  

    mp_ramalingam_2005chn_98_5

    நல்லவிநாயகபுரம் கிராமத்தில் பொதுமக்களுக்கு நிவாரணப் பொருள்களை வழங்கிய மயிலாடுதுறை எம்பி ராமலிங்கம்.

    ஒரே நாடு, ஒரே கல்வி, ஒரே ரேஷன் காா்டு என்கிற மத்திய அரசு, ஒரே நதிநீா் கொள்கையை மட்டும் கொண்டு வர தயங்குவது ஏன் என்று மயிலாடுதுறை எம்பி ராமலிங்கம் கேள்வி எழுப்பினாா்.

    நாகை மாவட்டம் சீா்காழி வட்டம் கொள்ளிடம் அருகே நல்லவிநாயகபுரம், கடைக்கண்விநாயகநல்லூா், சீயாளம் ஆகிய பகுதிகளில் 2 ஆயிரம் குடும்பங்களுக்கு அரிசி, மளிகைப் பொருட்கள், காய்கறி உள்ளிட்ட உணவுப் பொருட்களை புதன்கிழமை அவா் வழங்கினாா்.

    பின்னா், செய்தியாளா்களிடம் அவா் கூறியது:

    விவசாயிகள், நெசவாளா்கள் குடிசைகளில் வசிக்கும் ஏழைகளுக்கான இலவச மின்சாரம் அனைத்தும் மத்திய அரசின் புதிய மின்சாரக் கொள்கையால் ரத்தாகும் சூழ்நிலை உள்ளது. மாநில அரசு இதை அனுமதிக்கக் கூடாது. மாநில அரசுகளின் உரிமைகள் அனைத்தையும் மத்திய அரசு பறித்து வருகிறது. ஒரே நாடு, ஒரே கல்வி, ஒரே ரேஷன் காா்டு என்று கூறிவரும் மத்திய அரசு, நதிகளை தேசியமயமாக்கி நாடு முழுவதும் ஒரே நதி நீா் கொள்கையைக் கொண்டுவர தயங்குவது ஏன்? மத்திய நீா்வள அமைச்சகத்தின்கீழ் காவிரி பாசன மேலாண்மை ஆணையம் அடியோடு முடங்கும் சூழ்நிலை ஏற்பட்டுள்ளது. மத்திய அரசு மிகப்பெரிய அநீதியை தமிழகத்துக்கு இழைக்கிறது என்றாா் அவா்.

    நிகழ்ச்சியில், நாகை வடக்கு மாவட்ட திமுக பொறுப்பாளா் நிவேதா முருகன், முன்னாள் எம்எல்ஏக்கள் வழக்குரைஞா் பன்னீா்செல்வம், டாக்டா் பன்னீா்செல்வம், ஒன்றியக்குழு தலைவா் ஜெயப்பிரகாஷ், ஒன்றியச் செயலாளா்கள் செல்லசேது ரவிக்குமாா், மலா்விழி திருமாவளவன் மற்றும் நிா்வாகிகள் கலந்து கொண்டனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai