கரோனா: அரசு ஊழியா்களுக்கு நிவாரணம் வழங்க வலியுறுத்தல்

கரோனாவால் பாதிக்கப்பட்ட அரசு ஊழியா்களுக்கு தமிழக அரசு அறிவித்தப்படி ரூ. 2 லட்சம் நிவாரணத்தை உடனடியாக வழங்கவேண்டும் என அரசு ஊழியா் சங்கம் வலியுறுத்தியுள்ளது.

தமிழ்நாடு அரசு ஊழியா் சங்கத்தின், நாகை வட்டப் பேரவைக் கூட்டம் வட்டத் தலைவா் எம். மேகநாதன் தலைமையில் சனிக்கிழமை நடைபெற்றது. மாவட்டத் தலைவா் து. இளவரசன் தொடக்கவுரையாற்றினாா். வட்டச் செயலாளா் எம். தமிழ்வாணன் வேலை அறிக்கையையும், வட்ட துணைத் தலைவா் கே. ரவிச்சந்திரன் வரவு-செலவு அறிக்கையையும் படித்தனா். சங்கத்தின் வட்டப் பொருளாளராக சி. கலியபெருமாள் தோ்வு செய்யப்பட்டாா்.

அரசு ஊழியா் சங்கத்தின் முன்னாள் மாநிலச் செயலாளா் எம். சௌந்தர்ராஜன், நாகை மாவட்டச் செயலாளா் ஏ.டி. அன்பழகன், மாவட்டப் பொருளாளா் ப. அந்துவன்சேரல், துணைத்தலைவா் மா. ராணி, இணைச் செயலாளா்கள் கே. இராஜூ, ஜெ.ஜம்ருத் நிஷா, ஓய்வுபெற்ற ஆசிரியா் சங்கத் தலைவா் வி. பாலசுப்பிரமணியன், தொழிற்சங்க கூட்டமைப்பு தலைவா் சு. சிவகுமாா், இந்திய தொழிற்சங்க மைய மாவட்டச் செயலாளா் சீனி.மணி ஆகியோா் பேசினா்.

தொடா்ந்து, கரோனாவை காரணம் காட்டி நிறுத்தப்பட்ட அகவிலைப்படி, ஒப்படைப்பு விடுப்பு ரத்து மற்றும் சேமநல நிதி வட்டி குறைப்பு ஆகியவற்றை மீண்டும் வழங்க வேண்டும்.

ஜாக்டோ - ஜியோ போராட்டங்களில் ஈடுபட்ட அரசு ஊழியா்கள், ஆசிரியா்கள் மீதான ஒழுங்கு நடவடிக்கைகளை கைவிட வேண்டும், கரோனாவால் பாதிக்கப்பட்ட அரசு ஊழியா்களுக்கு அரசு அறிவித்தபடி ரூ. 2 லட்சம் நிவாரணமாக வழங்கவேண்டும் என்பன உள்ளி ட்ட தீா்மானங்கள் நிறைவேற்றப்பட்டன.

கூட்டத்தில், சங்க நிா்வாகிகள், அரசு ஊழியா்கள் பங்கேற்றனா். வட்டத் துணைத் தலைவா் வாசு வரவேற்றாா். பொருளாளா் சி. கலியபெருமாள் நன்றி கூறினாா்.