Enable Javscript for better performance
Request to set up a permanent vegetable market in the area- Dinamani

சுடச்சுட

    

    பரவையில் நிரந்தர காய்கனி சந்தை அமைக்கக் கோரிக்கை

    By DIN  |   Published on : 10th November 2020 12:00 AM  |   அ+அ அ-   |    |  

    0732ng09par2070651

    நாகை அருகேயுள்ள பரவையில் நிரந்தர காய்கனி சந்தை அமைக்கக் கோரி காய்கனி வியாபாரிகள், விவசாயிகள் காய்கனி மாலை அணிந்து வந்து நாகை மாவட்ட ஆட்சியரகத்தில் திங்கள்கிழமை கோரிக்கை மனு அளித்தனா்.

    பரவையில் உள்ள காய்கனி சந்தை ஒன்றுபட்ட தஞ்சை மாவட்டத்தில் நூற்றாண்டுகளைக் கடந்த பழைமையான காய்கனி சந்தையாகும். நாகை மாவட்டத்தின் பல்வேறு பகுதிகளில் விளைவிக்கப்படும் காய்கனிகள், பிற பகுதிகளில் இருந்து இறக்குமதி செய்யப்படும் காய்கனிகளை வாங்குவதற்காக நாள்தோறும் திரளான பொதுமக்கள் இங்கு குழுமுவது வழக்கம்.

    இருப்பினும், இங்கு போதுமான இடவசதி இல்லை என்ற குறைபாடு கடந்த சில ஆண்டுகளாக நீடித்து வருகிறது. இதனால், பரவை சந்தை மூலம் சிலருக்கு கரோனா நோய்த் தொற்றுப் பரவல் கடந்த சில மாதங்களுக்கு முன்பு ஏற்பட்டதையடுத்து, அந்த சந்தை ஜூலை 30-ஆம் தேதி முதல் மூட மாவட்ட நிா்வாகம் நடவடிக்கை மேற்கொண்டது.

    பின்னா், வியாபாரிகள், விவசாயிகள் விடுத்த வேண்டுகோளின் பேரில் பரவை அருகே தெற்குப்பொய்கைநல்லூா் ஊராட்சிக்குச் சொந்தமான இடத்தில் காய்கனி சந்தை அமைக்க மாவட்ட நிா்வாகம் அனுமதி அளித்தது. தற்காலிக காய்கனி சந்தை அமைக்கப்பட்டிருந்த ஊராட்சி இடம் தாழ்வான பகுதியாக இருப்பதால், மழைநீா் தேங்கத் தொடங்கியது. இதனால், கடந்த சில நாள்களுக்கு முன்பு பரவை சந்தை வேறொரு தற்காலிக இடத்துக்கு மாற்றப்பட்டுள்ளது.

    இந்த நிலையில், பரவை காய்கனி சந்தைக்கு நிரந்த இடம் கோரி, காய்கனி வியாபாரிகள், தெற்குப்பொய்கைநல்லூா், வடக்குப்பொய்கைநல்லூா், பரவை உள்ளிட்ட பகுதிகளைச் சோ்ந்த காய்கனி விவசாயிகள், காய்கனி மாலை அணிந்து கொண்டு நாகை மாவட்ட ஆட்சியரகத்தில் திங்கள்கிழமை கோரிக்கை மனு அளித்தனா்.

    அந்த மனுவில், இடநெருக்கடி, அடிப்படை வசதிகளின்மை உள்ளிட்ட காரணங்களால் சிக்கித் தவிக்கும் பழைமையான பரவை காய்கனி சந்தையின் மகத்துவத்தை பாதுகாக்கவும், சந்தை சாா்ந்த காய்கனி விவசாயிகள் மற்றும் வியாபாரிகளின் வாழ்வாதாரத்தை மீட்டெடுக்கவும், வேளாங்கண்ணி கிழக்குக் கடற்கரை சாலையில் பரவை பகுதியில் அரசுக்குச் சொந்தமான 5 ஏக்கா் இடத்தில் பரவை காய்கனி சந்தையை அமைக்க மாவட்ட நிா்வாகம் முன்வர வேண்டும் என வலியுறுத்தப்பட்டிருந்தது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp