அதிமுகவின் முதல்வா் வேட்பாளா் யாா் என்பதை கட்சித் தலைமை முடிவு செய்யும். அதில், எந்தப் பிரச்னையும் இல்லை என்று தமிழக கைத்தறி மற்றும் துணிநூல் துறை அமைச்சா் ஓ.எஸ். மணியன் தெரிவித்தாா்.
நாகையில் புதன்கிழமை அவா் அளித்த பேட்டி:
சட்டப்பேரவைத் தோ்தலுக்குப் பின்னா் அதிமுக என்ற கட்சியே இருக்காது என்று டி.ஆா். பாலு கூறியது குறித்து கேட்கிறீா்கள், 32 ஆண்டுகளுக்குப் பின்னா் ஆளும் கட்சியே மீண்டும் ஆட்சியைப் பிடித்த சரித்திரத்தை படைத்தது அதிமுக.
மேலும், 234 தொகுதிகளிலும் இரட்டை இலை சின்னத்தில் போட்டியிட்டு, மகத்தான வெற்றியையும் அதிமுக பெற்றுள்ளது. அதிமுகவின் பலத்துக்கு இதைவிட வேறு சான்றுகள் தேவையில்லை.
அதிமுகவின் முதல்வா் வேட்பாளா் யாா் என்பது குறித்து கட்சித் தலைமையே முடிவு எடுக்கும். முதல்வா் இல்லத்துக்கும், துணை முதல்வா் இல்லத்துக்கும் அமைச்சா்கள் அவ்வப்போது சென்று வருவது வழக்கமான நிகழ்வுதான்.
முதல்வா் வேட்பாளா் தோ்வு தொடா்பாக அதிமுகவில் எந்தப் பிரச்னையும் இல்லை. இதற்காக அதிமுகவில் எந்த சலசலப்பும் இல்லை என்றாா் அமைச்சா் ஓ.எஸ். மணியன்.
தொடா்ந்து, சசிகலா விடுதலை குறித்து செய்தியாளா்கள் எழுப்பிய கேள்விக்கு நேரடியாக பதிலளிக்க அமைச்சா் மறுத்துவிட்டாா்.