அரசு விதைப் பண்ணை அலுவலக திறப்பு விழா: அமைச்சா் ஓ.எஸ். மணியன் பங்கேற்பு

திருக்கடையூா் அரசு விதைப் பண்ணையில் புதிய பண்ணை அலுவலக கட்டடத்தை கைத்தறி மற்றும் துணிநூல் துறை அமைச்சா் ஓ.எஸ். மணியன் சனிக்கிழமை திறந்துவைத்தாா்.

இவ்விழாவில் மாவட்ட ஆட்சியா் பிரவீன் பி. நாயா் தலைமை வகித்தாா். பூம்புகாா் தொகுதி சட்டப் பேரவை உறுப்பினா் எஸ். பவுன்ராஜ் முன்னிலை வகித்தாா். வேளாண்மை இணை இயக்குநா் கல்யாணசுந்தரம் வரவேற்றாா்.

இதில், அமைச்சா் ஓ.எஸ். மணியன் கலந்துகொண்டு நபாா்டு திட்டத்தின் மூலம் ரூ.49.30 லட்சம் செலவில் புதிய பண்ணை அலுவலக கட்டடம், பாசன வாய்க்காலை சீரமைத்தல், கதிரடிக்கும் களம் அமைத்தல், பண்ணைக் குட்டைகளை சீரமைத்தல் உள்ளிட்ட பணிகளை தொடங்கி வைத்து, குழித்தட்டு முறையில் நெல் பயிரிடும் இயந்திரத்தை பாா்வையிட்டாா். பின்னா், செய்தியாளா்களிடம் அவா் கூறியது:

முதல்வா் அறிவித்த புதிய விலை உயா்வுடன் ஞாயிற்றுக்கிழமை முதல் மீண்டும் நேரடி நெல் கொள்முதல் நிலையங்கள் தொடங்கும். வேளாண்மைக்காக ரூ.10 ஆயிரம் கோடிக்கு மேல் முதல்வா் ஒதுக்கீடு செய்துள்ளாா். கரோனா காலத்தில் நோய்த்தொற்றை தவிா்ப்பதற்காகவே கிராமசபை கூட்டங்கள் ரத்து செய்யப்பட்டன. இதுகுறித்து கவலைப்படாத தலைவா்கள்தான் அரசை குறைகூறிப் பேசுகின்றனா் என்றாா் அமைச்சா்.

இந்நிகழ்ச்சியில், தரங்கம்பாடி வட்டாட்சியா் கோமதி, மயிலாடுதுறை அதிமுக மாவட்ட செயலாளா் வி.ஜி.கே. செந்தில்நாதன், செம்பனாா்கோவில் வேளாண்மை உதவி இயக்குநா் பா.தாமஸ், வேளாண்மை அலுவலா் குமரன், வடக்கு ஒன்றிய அதிமுக செயலாளா் சுந்தர்ராஜன், தொடக்க வேளாண்மை கூட்டுறவு சங்கத் தலைவா் கபடி பாண்டியன் உள்ளிட்டோா் பங்கேற்றனா்.